झापा, असोज ७ । झापाको विर्तामोड ५ मा सिलामसक्मा एण्ड द वुटीक औपचारिक रूपमा संचालनमा आएको छ। विगत दुई वर्षदेखि वुट्टावारीमा सेवा दिँदै आएको यो वुटीकले ग्राहकको बढ्दो माग र आवश्यकतालाई ध्यानमा राख्दै सेवा विस्तार गरेको हो।
वुटीकका सञ्चालक सरिता ईदिडंगो लिम्बु र बुद्धराज सेन्दाड लिम्बुका अनुसार विर्तामोड शाखाको उद्घाटनसँगै चाडपर्व लक्षित विभिन्न विशेष अफरहरू पनि प्रदान गरिएको छ।
‘सिलामसक्मा एण्ड द वुटीक’ विशेष रूपमा ढाका कपडाका पहिरनहरूमा केन्द्रित रहेको छ। यहाँ ढाकाका साडी, चौबन्दी चोली, कोट, प्यान्ट, सर्ट, लेहेङ्गा, दौरा–सुरूवाल, सिङ्गापुरे सेट, टोपी, गलबन्दी, मेख्ली, अर्नामेन्टजस्ता सामग्री उपलब्ध छन्। ग्राहकको विशेष चाहना अनुसार डिजाइन तथा सिलाइ सेवासमेत प्रदान गरिन्छ। सञ्चालकद्वयका अनुसार, वुटीकले भौतिक रूपमा मात्र नभई देशभर र विदेशसम्म कुरियर सेवामार्फत सामग्री पठाउने व्यवस्था समेत गरेको छ।
