झापा,१२ असोज। झापाबाट वेपत्ता हुनेहरुको संख्या बढ्दै गइ रहेको छ । आइतबार एकैदिन ६ जना हराएको प्रहरीलाई निवेदन परेको प्रहरीले जनाएको छ । हिजो बिहान ८ बजे बैदेशिक रोजगारमा रहेका कन्काई वडा न.४ नवज्योती टोल बस्ने बबिन खड्काकी श्रीमती वर्ष २० की पुनम खड्काले कोही कसैलाई केही जानकारी नगराई साथमा ३ वर्ष छोरा सत्यम खड्कालाई लिई घरबाट गएकोमा गाउँघर, छरछिमेक, आफन्त, नातागोता समेतमा खोजतलास गर्दा हालसम्म फेला र्पन सकेकी छैन्न् ।
त्यस्तै बुद्धशान्ति वडा नं. ३ बुधबारे बस्ने उमेश जंग राईका छोरा बर्ष १७ का उज्वल राई असोज ७ गतेदेखि वेपत्ता रहेका छन् । सो दिन बिहान साढे ६ बजे घरमा कोही कसैलाई जानकारी नगराई हिडेकोमा हालसम्म सम्पर्कमा आएका छैन्न् ।
हिजो बिहान अन्दाजी साढे ९ बजे मेचीनगर वडा नं.– १५ बस्ने सोम मुर्मुकी छोरी मानसिक सन्तुलन ठिक नभएकी बर्ष २० की अन्जु मुर्मु घरबाट इटाभट्टा हुँदै उर्लाबारी जान्छु भनी हिडेकोमा हालसम्म घर आएकी छैन्न् ।
शिवसताक्षी वडा नं. ३ पाराबारी बस्ने सुफल मर्डीकी श्रीमती बर्ष–३० की जिना मर्डी असोज ४ गतेदेखि वेपत्ता नै भएकी छन् । आफ्नै घरबाट कोही कसैलाई केही नभनी निस्केर गएकोमा हालसम्म सम्पर्कमा नआएको परिवारले प्रहरीलाई बताएका छन् ।
हिजो दिउँसो साढे ४ बजे कन्काई वडा न.५ तुलसीबारी बस्ने कासिना श्रेष्ठको घरमा सानैदेखि बस्दै आएका बर्ष १४ का सुजन हेमरम (सुस्त मनस्थिति भएका) कोही कसैलाई केही जानकारी नगराईकन घरबाट हिडेकोमा हालसम्म घर फर्किएका छैनन् । वेपत्ता हुनेहरुको हुलियासहित निवेदन परेपछि वेपत्ता हुनेहरुको खोजी भइरहेको प्रहरीले बताएको छ ।
