दमक,१३ असोज। झापाको दमकमा करेन्ट लागेर एकजना विद्युत कर्मचारी गंभीर घाइते भएको प्रहरीले जनाएको छ ।
आइतबार दिउँसो ३ बजेतिर दमक नगरपालिका वडा न.८ बालुवाटारमा बिजुलीको पोलमा सडक बत्ती मर्मत गर्ने क्रममा बिद्युतको काम गर्ने करार कर्मचारी दमक ८ का ४३ वर्षीय तिलोचन बराललाई अचानक करेन्ट लाग्दा दाहिने हातमा करेन्ट लागेर लडेका बराललाई बिराट टिचिङ अस्पताल बिराटनगरमा लगि उपचार भइरहेको प्रहरीले जनाएको छ ।
उनको टाउको, दाहिने हात, बायाँ आँखामा चोट लागेको छ । अवस्था बोल्न नसक्ने गम्भीर रहेको प्रहरीले बताएको छ।
