विराटनगर,२२ असोज । कोशी अस्पतालमा जेनजी क्लिनिक सञ्चालनमा आएको हो । गत भदौ २३ र २४ को जेनजी प्रदर्शनका क्रममा घाइते भएकाहरूलाई शीघ्र स्वास्थ्य सेवा उपलब्ध गराउने उद्देश्यले क्लिनिक सञ्चालनमा ल्याइएको अस्पतालकी प्रमुख मेडिकल सुपरिटेन्डेन्ट डा. रुणा झाले जानकारी दिइनु भयो ।
उहाँले क्लिनिकमा जेनजी प्रदर्शनका क्रममा घाइते भएकाको लागि छिटो स्वास्थ्य सेवा उपलब्ध गराउने समन्वयात्मक प्रणाली भएको बताउनु भयो। परिचयपत्र प्राप्त गरेका घाइते अस्पतालमा आएपछि उनीहरूलाई जेनजी क्लिनिकमार्फत सेवा प्रदान गरिने बताइएको छ । क्लिनिक सञ्चालनका लागि अस्पतालले पाँच सदस्यीय समिति गठन गरेको स्रोतले जनाएको छ ।
समितिको संयोजकमा अर्थोपेडिक विभाग प्रमुख डा. महेन्द्रप्रसाद महतो सहित मेडिसिन विभाग प्रमुख डा. सुनिल बाबु खनाल, सर्जिकल विभागका मेडिकल अधिकृत डा. क्षितिज गिरी, अननि तथा ओपीडी इन्चार्ज नविता शर्मा र सिअहेव अधिकृत ९सम्पर्क व्यक्ति कामेश्वर परिहस्त सदस्य सचिवका रूपमा रहनु भएको छ् ।
उक्त समितिमार्फत अस्पतालमा आउने घाइते बिरामीहरूको छिटो उपचारका लागि समन्वय, व्यवस्थापन तथा आवश्यक सुविधा उपलब्ध गराउने काम गरिने अस्पतालले बताएको छ ।
