पाँचथर,२६ असोज। बाढीपहिरोले क्षति पु¥याएको एक हप्ता बित्दासम्म पनि पाँचथरका पीडितले अझै राहत पाउन सकेका छैनन् ।
सरकारले १८, १९ र २० असोजमा आएको बाढीपहिरोबाट पीडितलाई तत्काल राहत उपलब्ध गराउने भने पनि यहाँको जिल्ला विपद् व्यवस्थापन समिति तथा स्थानीय तहहरूले मृतक तथा घाइतेका परिवार र विस्थापितलाई राहत उपलब्ध गराँउन सकेको छैनन् ।
केही स्थानीय तहले फ्याट्टफुट्ट राहत वितरण गरेका भए पनि अधिकांश स्थानीय तहले ढिलाइ गरेको जानकारी पाइएको छ ।
सरकारले मृतकको परिवारलाई एक लाख रुपैयाँ राहत, घाइतेलाई उपचार खर्च र पूर्णरुपमा विस्थापित भएको परिवारलाई राहत दिने घोषणा गरेको छ ।
प्रमुख जिल्ला अधिकारी अरुण पोखरेलले घटना भएको दिनदेखि नै स्थानीय तहलाई राहतका लागि खबर गरिएको बताउनु भयो । ‘घटना भएकै दिन स्थानीय तहमा खबर पठाएका छौँ । उहाँहरू सम्पर्कमा आइसक्नुभएको छैन् । कागजात आएपछि रकम जम्मा गर्दिन्छौँ ।’
जिल्ला प्रहरी कार्यालय पाँचथरका अनुसार सो बाढीपहिरोमा परेर दुई जनाको मृत्यु भएको थियो भने चार जना घाइते भएका छन् भने , १७ परिवार पूर्णरुपमा विस्थापित भएको बताएका छन् ।
