काठमाडौँ,२९ असोज । नेकपा एमालेको १० औँ केन्द्रीय कमिटी ललितपुरको जवालाखेल स्थित भनिमण्डलमा जारी रहेको छ। बैठकमा अध्यक्ष केपी शर्मा ओलीले समसामयिक राजनीतिक प्रतिवेदन पेस गर्नु हुन्छ ।
सो प्रतिवेदनमा जेनजी युवा आन्दोलन, त्यसको असर र परिणाम, जेनजी आन्दोलनको बलमा गठन भएको अन्तरिम सरकारले आगामी फागुन २१ गते गराउने भनिएको निर्वाचन लगायतका विषय समेटिएका ओली निकट नेताहरूको भनाइ रहेको छ । अध्यक्ष केपी शर्मा ओलीले राजनीतिक प्रतिवेदनमा प्रतिनिधि सभा विघटन असंवैधानिक भन्दै त्यसको पुनस्र्थापनामा जोड दिइ रहेका छन् ।
लोकतन्त्र पुनर्बहाली गर्नलाई प्रतिनिधि सभा पुनस्र्थापना हुनुपर्ने ओलीको जोड रहेको छ । त्यसका लागि लोकतान्त्रिक गणतन्त्रको पक्षमा रहेका दलहरूसँग सहकार्य र जनपरिचालन गर्नुपर्ने विषयलाई पनि ओलीले प्राथमिकताका साथ उल्लेख गरेको स्रोतले बताएको छ।
प्रतिनिधि सभा पुनस्र्थापनाको मागमा जनता सडकमा आउने उहाँको विश्वास रहेको छ । केन्द्रीय कमिटी बैठक ३ दिनसम्म चल्ने एमालेले बताएको छ ।
