चितवन,२९ असोज । पूर्वी चितवनको रत्ननगरमा रहेको किसान दाना उद्योगको पर्खाल भत्किँदा तीन जनाको मृत्यु भएको छ भने अन्य दुई जना घाइते भएको प्रहरीले जनाएको छ । रत्ननगर नगरपालिका–१२ शान्तिकुञ्ज टोलमा रहेको दानाको ४ नम्बर भित्तो बुधबार बिहान ९ः ५० बजे भत्किएको हो।
भित्तो भत्किँदा उद्योगमा काम गर्ने पाँच जना घाइते भएका हुन भने उनीहरूमध्ये तीन जनाको उपचारका क्रममा मृत्यु भएको छ । मृत्यु हुनेमा खैरहनी नगरपालिका–२ का ४५ वर्षीय सुमरा दराई, गोरखा घर भई हाल रत्ननगर नगरपालिका–१२ बस्ने ४५ वर्षीय रमेश दमाई र सोही स्थानका ४५ वर्षीय कमल गुरुङ रहेको जिल्ला प्रहरी कार्यालय चितवनका प्रहरी नायब उपरीक्षक रवीन्द्र खनालले जानकारी दिनुभएको छ । उनीहरूको चितवन मेडिकल कलेजमा उपचारका त्रममा मृत्यु भएको प्रहरीले जनाएको छ।
यस्तै घाइते हुनेमा पर्सा घर भई हाल रत्ननगर नगरपालिका–१२ बस्ने ३९ वर्षीय जीतेन्द्र महतो र ४० वर्षीय अकजप्रसाद थारु रहेका छन् भने घाइते दुवैको सोही अस्पतालमा उपचार भइरहेको छ । घाइतेको अवस्था मध्यम रहेको खनालले जानकारी दिनु भयो ।
एआइ तस्बीर
