Search
Close this search box.

दमकमा खुल्यो रोज गार्डेन, ४० बढि प्रकारका गुलाफका फुल फुल्दै

दमक/
झापाको दमकमा रोज गार्डेन सञ्चालनमा आएको छ । झण्डै ४० प्रजातीका गुलावका फूलहरु एकै बगैचामा फुल्ने  गरिको गार्डेन निर्माण गरिएको छ । दमक नगरपालिका र स्थानीय नागरिकको लगानीमा सो गार्डेनको निर्माण गरिएको हो ।

झापाको दमक ७ स्थित रेडक्रस सोसाईटि भवनको पश्चिम पट्टिको खाली जमिनलाई दमक नगरपालिकाले सदुपयोगमा ल्याएको छ । यो ठाउँलाई अव गुलावै गुलाव फुलाएर नयाँ पार्कको रुपमा विकास गर्ने काम सुरु भएको छ । यसले दमकको पहिचानलाई विस्तार गर्न थप मद्यत पुग्ने विस्वास गरिएको छ । यहि वडाका स्थानीयबासी भूमिराज राई ब्यस्त शहर दमकमा एकछिन भएपनि मन भुलाउने ठाउँ तयार भएकोमा खुसी व्यक्त गर्नु हुन्छ । केहि बेर भएपनि प्राकृतिकरुपमा फूल्ने फूहरुहरुको सुघन्धले मनलाई आनन्दित दिने ठाउँ तयार भएको उहाँले बताउनु भयो ।

यहाँ न्यूनतम ४० प्रकारका गुलावका फूलहरु रोपीएको छ । विभिन्न फूलहरुलाई एकै ठाउँमा रोपीएका कारण फूलिसकेपछि एउटै बगैचामा थरी थरीका फूल फुलेको देख्दा निकै आकषणर् देख्न सकिन्छ । यहाँ रोपिएका फूलहरुको व्यवस्थापन गर्नु भएका झापा सुरुङ्गमा दिपज्योती फूलबारी सञ्चालन गरिरहनु भएका दिपक कुमार सिवाकोटीले यहाँ फूल्ने फूलहरुबाट गुलावजल लगायत गुलावबाट बन्ने अन्य पदार्थहरु पनि बनाउन सकिने बताउनु हुन्छ ।

हेर्दा थोरै क्षेत्र भएपनि यहाँ २१ देखी २५ सय सम्मका गुलावका फूलहरु फुल्ने छन् । यसको अर्किटेक गर्नु भएका पारस खड्का भन्नु हुन्छ यो क्षेत्रमा कम्तीमा हिडडुल गरेर एक बिहानको मर्नीङ वक गर्न पुग्ने गरिको डिजाईनमा बनाइएको बताउनु भयो । फूलहरुपनि रोप्न पुग्ने , छेउ छाउ हिड्न पनि पुग्ने र फोटोहरु खिच्न मिल्ने केहि संरचनाहरु पनि तयार पारिएको खड्काले बताउनु भयो ।


यो योजना सम्पन्न गर्न कुल २१ लाख ३१ हजार ५ सय १२ रुपैँया लगानी लागेको छ । यसमा दमक नगरपालिकाको २० लाख लाख र बाँकी स्थानीय उपभोक्ताले लगानी गरेका हुन । २०७८ साल पुष २३ गते यो योजनाको काम गर्ने र २०७९ साल बैशाख ३० गते सम्पन्न गर्ने गरि सम्झौता भएको थियो । यद्यपी यो आयोजनाको सिलान्यास भने दमकका जनप्रतिनिधी निर्वाचित भएर आउने वित्तीकै भएको थियो ।

शनिबार विधिवत रुपमा उद्धघाटन गरिएको कार्यक्रमका प्रमुख अतिथी प्रदेश १ का प्रदेश सभा सदस्य अर्जुन राई रहनु भएको थियो । विशिष्ट अतिथीमा दमक नगरपाकिलाका प्रमुख रोमनाथ ओली रहनु भएको थियो । अतिथीहरुमा नगरपालिकाका प्रमुख प्रशाषकिय अधिकृत गणेश प्रसाद तिम्सिना सहित विभिन्न वडाका वडाध्यक्ष, दमकमा रहेका विभिन्न सघं सस्थाहरुका पदाधिकारी तथा प्रतिनिधीहरुको उपस्थित रहेको थियो । कार्यक्रम रोज गार्डेन निर्माण तथा सहयोग समितीका अध्यक्ष कृष्ण प्रसाद थापाको अध्यक्षतामा सम्पन्न भएको थियो ।

Share:

Facebook
Twitter
Email
WhatsApp