दमक १६ कार्तिक । झापाको दमकमा रहेको दमक अस्पताल जिल्ला स्तरको एकमात्रै सरकारी अस्पताल हो । यो अस्पतालको स्विकृती १५ शैयाको मात्रै भएपनि अहिले यसले ७५ भन्दा बढि शैया बराबरको सेवा दिइरहेको छ । खासगरी नगर अस्पताल मात्रै भएपनि यहाँ सेवा लिन आउने दमकका मात्रै हुदैनन । अन्य पालिका मात्रै नभएर दक्षीण इलाम र पाँचथर र पूर्वि मोरङ सम्मका विरामीको भरोसाको केन्द्र बनेको छ दमक अस्पताल । अस्पतालको सेवा र सुविधालाई सुधार गर्दै अघी बढाइएको भएपनि कनागरिकले ती सेवा सहजै पाउन चाहि अझै सकिरहेका छैनन । बिहान ८ बजे काटेको टिकको पालो दिनभर बस्दा डक्टर भेट्न र त्यसपछि रिपोर्ट देखाउदा र औषधी लिदा सम्म गरी झण्डै दुई दिननै बित्ने गरेको छ । किन यस्तो भइरहेको हो ?
पालो कुर्दा कुर्दै रात पर्छ । धेरै बेर आफ्नो पालो नआएसम्म उभीरहनु पर्छ । र यसबाट बिरामीहरुलाई थप बिराम बढाउन सक्ने भयो भन्दै यसको निकासकालागी दमक अस्पतालले टोकन सुविधा ल्यायो । अव आफुले टिकट काटेपछि आफ्नो पालोको नं याद गरेर अनुमानीत समय हेरेर मात्रै पनि अस्पताल आउन मिल्छ । तर यहाँ आउने सेवाग्राहिहरु टिकट काटेपछि पनि अस्पताल प्राङ्गणमै उभीरहनु हुन्छ । आफ्नो पालो एक सय जनापछि छ भनेपनि दिनभर यही नै बसेर समय व्यतित गर्नु हुन्छ । जसले गर्दा उहाँहरुको समय धेरैनै बितेको जस्तो हुने रहेछ । दमक ८ का हेम बहादुर फूँयाल आफ्नो पुरानो रोगको औषधी लिन भन्दै नियमीत आउनु हदो रहेछ । औषधी लिन बिल तिर्न काउण्टरमा जान उहाँले मेसिनबाट टिकट लिनु हुन्छ । तर काउण्टरमा गएर पैसा तिर्न र पैसा तिरेको बिल लिएर औषधी किन्न दिनभरीनै लाग्ने गरेको बताउनु भयो । त्यसैले उहाँको सुझाव छ यसरी नियमी औषधी लिन मात्रै आउनेहरुकालागी र जेष्ठ नागरीककालागी छुट्टै काउण्टर राखीयोस ।
पछिल्लो समय विमा बोर्डले सरकारी अस्पताललाई मात्रै विमाको पहिलो बिन्दु भनेर तोकेपछि पनि यहाँ दमक अस्पतालमा भीड बढेको हो । यहाँ उपचार हुन सम्भव नभएका रोगकालागी रेफर लिनकालागी पनि कयौ सेवाग्राहि यहाँ आउनु परेको छ । यसले गर्दा अन्य साँच्चै बिरामी भएका र तुरुन्तै यहीको सेवा लिनेहरुलाई पनि यसले प्रभाव पारिरहेको छ । दमक ५ का केशव प्रसाद पौडेल हेर्दा ठुलो अस्पताल छ । तर यसलाई सञ्चालन गर्ने जनशक्ति चाहि कम छन कि ? यसलाई अझै राम्रोसग व्यवस्थापन पो गर्न नसकेका हुन कि भन्दै चिन्ता व्यक्त गर्नु हुन्छ ।
टिकट काउन्टरमा पालो आएपछि प्रस्टै टिकट नम्बर स्क्रीनमा देखिन्छ र आवाज मार्फत सुनिन्छ पनि । यसको मतलव कुनै एक नम्बरको पालोमा काउण्टर वा डाक्टरको क्याविनमा एकजना मात्रै सेवाग्राहि देखिनुपर्छ भन्ने हो । तर दमक अस्पतालको टोकन एउटा नम्बरको छ तर सेवा लिन जानेहरुको जमात चाहि बाक्लो हुन्छ । अनी सेवा दिनेले पनि टोकन नं नहेरी सेवा प्रवाह गरेको हो वा के ? नत्र एउटाको पालामो अरुको भीड चाहि किन भएको हो भन्दै प्रश्न गर्नु हुन्छ दमक १ का लक्ष्मी लिम्बु । टोकन मार्फत आफ्नो पालो बाहेक अर्कोले सेवा लिनै नपाउने गरीको व्यवस्था गर्ने हो भने यसरी अस्त व्यस्त नहुने थियो कि भन्ने उहाँले सुझाव दिनु भएको छ ।
पछिल्लो समय विशिष्टिकृत सेवाहरु पनि यस अस्पतालबाट सुरु भएका छन । ल्यावहरु अत्याधुनीक बनिरहेका छन् । सेवाहरुलाई अझ गुणस्तरीय बनाइरहिएको छ । तर यसको आन्तरीक व्यवस्थापन फितलो र कमजोर रहेका कारण नागरीकले सहज सेवा भने पाउन सकिरहेका छैनन । त्यस तर्फ यसका जिम्मेवार पक्षले चासो दिने हो कि ?
