काठमाण्डौं,३ पुस । एमाले सचिवको दौडमा महेश बस्नेत शीर्ष स्थानमा उक्लिनु भएको छ । पछिल्लो मतगणना अनुसार उहाँले पद्मा अर्याल र छविलाल विश्वकर्मालाई पछि पारेर पहिलो नम्बरमा उक्लीनु भएको छ । बस्नेतले ७८३ मत पाउँदा दोस्रो स्थानमा रहनु भएकी पद्मालाई ७७८ मत आएको छ ।
उहाँहरुबीच ५ मतको मात्रै अन्तर छ । तेस्रो स्थानमा रहनु भएका विश्वकर्मा पनि धेरै पछाडि छैनन् । उहाँले ७६९ मत ल्याउनु भएको छ । यी तीनै जनाको सचिवमा जित निश्चित देखिएको छ । महेश बस्नेतले सचिवमा सर्वाधिक मत ल्याउनु भयो भने त्यो उहाँको लागि ठूलो नैतिक जितसमेत हुनेछ । जेनजी आन्दोलनपछि उहाँले खेलेको भूमिकालाई पार्टीपंतिले सकारात्मकरुपमा लिएको अर्थ सन्देश जानेछ ।
