दमक १० पुस । पुस १८ गते दमक उद्योग वाणिज्य संघको निर्वाचनमा सहभागी हुन राष्ट्रिय प्रजातन्त्र पार्टी समर्पित उम्मेदवारहरुले उम्मेदवारी घोषणा गरेका छन।
बिहिवार दमकमा पत्रकार सम्मेलन गर्दै स्वतन्त्र उद्दमी व्यवसायी समुह नाम दिएर उनीहरुले आफ्नो प्यानल घोषणा गरेका छन ।
जसमा अध्यक्ष पदको उम्मेदवार राजु खड्का रहनुभएको छ भने बरिस्ठ उपाध्यक्षमा राजकुमार योङ्या, प्रथम उपाध्यक्षमा तुलसीराम तिम्सिना रहदा द्वितीय उपाध्यक्षमा नवीन कुमार अग्रवाल , तृतीय उपाध्यक्षमा विवेक श्रेष्ठ र महिला उपाध्यक्षमा सुश्मा न्यौपाने निरौलाको उम्मेदवारी रहेको छ ।
यसैगरी कार्यसमितिको खुल्ला सदस्य तर्फ पदम राउत, आनन्द थापा, सन्तोष कुमार तेली, मेघराज फुयाल, रेवतचन्द्र भण्डारी र कमल कट्वाल उम्मेदवार बन्नु भएको छ ।
बस्तुगत सदस्य तर्फ हेमसिंह अधिकारी , डुका कुमाल९अम्बिका ० र गोकुल खड्काको उम्मेदवारी रहेको छ ।
यसैगरि लेखा समिति संयोजकमा बुद्धिसागर बराल र सदस्यहरुमा सागर लावती र राधादेवी ढुंगानाको उम्मेदवारी रहेको छ भने महिला सदस्यमा अन्जना प्रसाईं र संगीता प्रसाईले उम्मेदवारी दिनुभएको छ ।
उम्मेदवारी घोषणासभामा बोल्दै अध्यक्षका प्रत्यासी राजु खड्काले भन्नुभयो कार्यसमिती सदस्य देखी वरिष्ठ उपाध्यक्ष हुदैँ अध्यक्ष पदको उम्मेद्धारमा उठ्दा राजनितीभन्दा टाढा रहेर , व्यवसायमा आवद्ध व्यक्तिहरुलाई मात्र उपस्थित गराएर पार्टीका लागी नभई व्यवसायीको हकहितका लागी काम गर्नेछु ।
