दमक | २३ पुस | दमकमा फरार थुनुवा पक्राउ परेका छन्।
गत भदौ २४ गते Gen-Z आन्दोलनको क्रममा इलाका प्रहरी कार्यालय दमकको हिरासत कक्षबाट भागी फरार रहेका लागुऔषध मुद्दाका थुनुवा पक्राउ परेका हुन्।
पक्राउ पर्नेमा जिल्ला झापा गौरादह नगरपालिका–१ का १९ वर्षीय करण यादव रहेका छन्।
प्रहरीका अनुसार यादवलाई मिति २०८२ साल पुस २३ गते दिउँसो करिब ३ बजेर १० मिनेटको समयमा इलाका प्रहरी कार्यालय दमकबाट खटिएको प्रहरी टोलीले झापा दमक नगरपालिका–६ थानारोड क्षेत्रबाट नियन्त्रणमा लिएको हो।
पक्राउपछि उनलाई इलाका प्रहरी कार्यालय दमकमा ल्याई आवश्यक अनुसन्धान अगाडि बढाइएको प्रहरीले जनाएको छ।
