दमक, २८ पुष । दमक उद्योग वाणिज्य संघको गत पुष १८ गते भएको निर्वाचनबाट बिजयी भएपछि अहिले यसका पदाधिकारी तथा सदस्यहरुलाई बधाई थाप्न भ्याई नभ्याई छ । व्यक्तिगत होस वा सस्थागत भेटेर बधाइ दिने , खादा लगाइदिने र अविरले रङ्गीदिइरहेका छन् ।
यही क्रममा आईतबार होलसेल व्यवसायी सघं दमकले पनि खादा , माला र अवीर लगाइदिएर सबै पदाधिकारी तथा सदस्यहरुलाई सम्मान सहित बधाई कार्यक्रम सम्पन्न गरेको छ ।
सो क्रममा होलसेल व्यवसायी संघका सल्हाकार संयोजक काशी थपलीयाले यो टीमले दमकका व्यवसायीको हीतमा काम गरेर शीर उच्च बनाउन उद्योग वाणिज्य संघका कार्यसमितीलाई सुझाव दिनु भएको छ ।
दमक उद्योग वाणिज्य संघमा कुनैबेला कुनै दलमा आस्था राख्नेहरुको मात्रै एकछत्र चलेको भएपनि यो पटकको मत परिणामले त्यस्तो सन्देश नदिएको होलसेल व्यवसायी संघका सस्थापक अध्यक्ष रिङ कुमार आचार्यले बताउनु भयो । यो पटक सबैले अपनत्व गर्न सक्ने गरी मिश्रीत परिणाम आएको र यसले परिणाममुखी काम गर्न उहाँले सुझाव दिनुभयो ।
सम्मान तथा बधाई कार्यक्रममा सम्मान पछि बोल्दै दमक उद्योग वाणिज्य संघका बरिष्ठ उपाध्यक्ष भगवान बस्नेतले अहिले यसरी गरिएको सम्मान भन्दा पनि व्यवसायीलाई समस्या लिएर आउन र त्यो समस्या समाधान गर्न गरिएको पहलबाट प्राप्त भएको परिणामपछि गरिने सम्मान चाहि अझ महत्वपूर्ण हुने बताउनु भयो । त्यसैले उहाँको भनाई छ यस्ता औपचारीक सम्मान भन्दा पनि अव हामी व्यवसायीका समस्या र तीनको समाधानमा केन्द्रित बनौ ।
सो अवसरमा बोल्दै संघमा दोस्रो कार्यकालकालागी अध्यक्षमा निर्वाचित हुनु भएका गोपाल गुरागाईले भन्नु भयो चुनावका बेलामा तीन पक्ष भएपनि चुनाव सकिएपछि र अहिले परिणाम समेत आइसके पनि आफुहरु सबैको साझा प्रतिनिधी भइसकेकोको प्रतिकृया दिनुभयो ।
दमक उद्योग वाणिज्य संघको कार्यसमितीको पदभार ग्रहण माघ २ गते हुने र त्यसमा दमकका सबै उद्योगी व्यवसायीहरुलाई उपस्थिती रहन पनि अध्यक्ष गुरागाईले आह्वान गर्नु भएको छ ।
