धरान,४ माघ। हर्क साम्पाङ नेतृत्वको श्रम संस्कृति पार्टीका तर्फबाट झापा ५ मा उम्मेदवार बन्नु भएका समीर तामाङले धरानदेखि दमकसम्म पैदलयात्रा अभियान शुरु गर्नु भएको छ । श्रम संस्कृति पार्टीका केन्द्रीय सदस्यसमेत रहनु भएका तामाङले आज बिहान ९ बजेर ४० मिनेट देखि धरान १८ स्थित ग्रीन टी गेटबाट दमक सम्मको पैदल यात्रा थालनु भएको छ । पैदलयात्रामा तामाङसंगै करिव ४० जना कार्यकर्ता सहभागी रहेका छन् । ‘शक्ति प्रतिशोधको राजनीतिको अन्त्य गरौं ’भन्ने मूल नारासहित उहाँले धरानदेखि दमकसम्म खाली खुट्टा पैदलयात्रा अभियान सुरु गरेको श्रम संस्कृति पार्टीले बताएको छ ।
