खेलकुद

दोस्रो पथरी शनिश्चरे भेट्रान गोल्डकप माघ १७ देखि

८ टिमको सहभागिता, झण्डै ६ लाख ८३ हजारको अनुमानित बजेट

पथरी शनिश्चरे १० माघ / दोस्रो पथरी शनिश्चरे भेट्रान गोल्डकप फुटबल प्रतियोगिता–२०८२ आगामी माघ १७ गतेदेखि सुरु हुने भएको छ । प्रतियोगिताको जानकारी दिन आज पथरी शनिश्चरे–२ स्थित शीन भिलेज पार्टी प्यालेसमा पत्रकार सम्मेलन आयोजना गरिएको थियो ।

 

पत्रकार सम्मेलनमा बोल्दै खेल संयोजक सन्तोष श्रेष्ठले प्रतियोगितामा ८ वटा भेट्रान टिमको सहभागिता रहने जानकारी दिनुभयो । प्रतियोगितामा पथरी भेट्रान ब्लु, पथरी भेट्रान रेड, दमक लखनपुर, मिल्स भेट्रान विराटनगर, उर्लाबारी भेट्रान मोरङ, ईटहरी भेट्रान सुनसरी, विराट चोक भेट्रान र सतिसाले भेट्रान टिमले सहभागिता जनाउनेछन् ।

 

आयोजकले सार्वजनिक गरेको अनुमानित आय–व्यय विवरणअनुसार प्रतियोगिताको कुल बजेट ६ लाख ८२ हजार ९६६ रुपैयाँ रहेको छ । खर्चतर्फ प्रथम पुरस्कार, दोस्रो पुरस्कार, ट्रफी तथा मेडल, विधागत पुरस्कार, स्टेज तथा गेट निर्माण, साउन्ड सिस्टम, खेलमैदान मर्मत सम्भार, ब्यानर तथा स्टेशनरी, रेफ्री पारिश्रमिक, सहभागी टिम फेयर, पत्रकार व्यवस्थापन, म्यान अफ द म्याच पुरस्कार, अतिथि सत्कार, प्रचार–प्रसार तथा मिडिया, मायाको चिनो, विविध तथा मसलन्दलगायत शीर्षकमा खर्च हुने आयोजकले जनाएको छ ।

 

आयतर्फ भने स्वदेश तथा विदेशबाट प्राप्त सहयोग, पथरी शनिश्चरे नगरपालिकाको कार्यालयबाट प्राप्त सहयोग, विभिन्न प्रायोजक, स्थानीय व्यवसायी तथा संघ–संस्थाबाट प्राप्त सहयोग रहने अनुमान गरिएको छ । आय र व्यय बराबर रहने गरी बजेट तयार गरिएको आयोजक समितिले जानकारी दिएको छ ।

 

पत्रकार सम्मेलनमा आयोजकले प्रतियोगिता सफल बनाउन स्थानीय तह, खेलप्रेमी, सञ्चारकर्मी तथा सम्पूर्ण सहयोगी हातहरूबाट सहयोगको अपेक्षा पनि व्यक्त गरेको छ । भेट्रान खेलाडीलाई सक्रिय राख्ने, स्वास्थ्य र आपसी सद्भाव अभिवृद्धि गर्ने उद्देश्यसहित प्रतियोगिता आयोजना गर्न लागिएको आयोजकको भनाइ छ ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

रोमानियालाई नेपालमा लगानी गर्न सांसद पराजुलीको आग्रह

काठमाडौं,११ जेठ । राष्ट्रिय स्वतन्त्र पार्टीका सांसद गणेश पराजुलीले नेपाल र रोमानिया बीच व्यापार, लगानी, पर्यटन तथा श्रम सहकार्य विस्तारको ठूलो सम्भावना रहेको बताउनु भएको

शेखर कोइरालाद्वारा पार्टी एकताका लागि पाँच बुँदे प्रस्ताव

काठमाडौं,११ जेठ । नेपाली कांग्रेसका नेता डा. शेखर कोइरालाले पार्टी एकताका लागि पाँच बुँदे प्रस्ताव अघि सार्नु भएको छ। कांग्रेसभित्र तिब्र विवाद र असन्तुष्टि बढिरहेको

सरकारले गरेका ४  निर्णय

सरकारले नेपाल(चीन जोड्ने विद्युत प्रसारणलाइन आयोजना (चिलिमे(केरुङ) को कार्यान्वयनका लागि चीन सरकारलाई पठाउने प्रतिउत्तरपत्र स्वीकृत गरेको छ। आज बसेको मन्त्रिपरिषद् बैठकले प्रतिउत्तरपत्र स्वीकृत गर्नेसहित ४ 

सहकारीमा भएको बेथिति जाँचबुझ आयोगको प्रतिवेदन सार्वजनिक गर्ने सरकारको निर्णय

काठमाडौं,११ जेठ । सरकारले सहकारीमा भएको बेथिति जाँचबुझ आयोग २०८२ को प्रतिवेदन सार्वजनिक गर्ने निर्णय गरेको छ। सोमबार बसेको मन्त्रिपरिषदको बैठकले उक्त प्रतिवेदन सार्वजनिक गर्ने

पूर्णबालमैत्री नभएर बालमैत्री उन्मुख वडा घोषणा, कहिले हुन्छ पूर्ण बालमैत्री ?

दमक,११ जेठ । झापाको दमक नगरपालिका वडा नम्बर २लाई बालमैत्री उन्मुख वडा घोषणा गरीएको छ । आईतबार औपचारीक कार्यक्रमकोअ ायोजना गरी जिल्ला समन्वय समिती झापाको