दमक,१४ माघ। आउँदो फागुन २१ को निर्वाचनलाई लक्षित गर्दै नेकपा एमाले निकट बिद्यार्थी र युवासँग पार्टी केन्द्रीय सदस्य तथा झापा निर्वाचन क्षेत्र अनुगमन समिति र युवाबीच अन्तरक्रिया भएकाे छ ।
अपरान्ह्र दमक ५ स्थित निर्वाचन परिचालन कार्यलयमा सम्पन्न अन्र्तकृयामा जेएनजी आन्दोलनको उदेश्य र यहाँ भित्र भएको घुसपेटले गरेको विध्यवंसको बिषयमा केन्द्रिय सदस्य अधिकारीले प्रस्टपार्नु भएको छ ।
लामो समय दमक बहुमुखी क्याम्पसमा प्राध्यापन गर्नु भएकी प्राध्यापक अधिकारीसँग बिद्यार्थीले आन्दोलन किन कसरी भएको बिषयमा जिज्ञासा राखेका थिए । यसमा आन्दोलनको माग देशमा भएको सु–शासन, भ्रष्टाचार र सामाजिक सञ्जाल खुलाउने बिषयमा मात्र केन्द्रित थियो । कलिला बिद्यार्थीको शान्तीपुर्ण आन्दोलनमा घुषपेट गरि उत्तेजित बनाउने काम भएको छ । यही अपराधिक मानसिकताबाट देशका सम्पदा सार्वजनिक सम्पति माथी आगजनी र तोडफोड भयो । बिद्यार्थीको भिडमा छिरेर धेरै बिद्यार्थीको टाउकोमा ताकेर गोली हान्ने काम को बाट भएको हो । यो गम्भिर शंकाको बिषय भएको छ । यस्ता अपराधिक गतिबिधीमा लाग्ने र सिहंदरवार देखि सर्बोच्च अदालत लगायतका सम्पदा जलेर खरानी हुँदा किन दमकल समेत पडाइएन भन्ने बिषय नै यो घटना सुनियोजिक थियो भन्ने प्रष्ट भएको उहाँले प्रस्ट पार्नु भयो ।
छलफलमा दमक बहुमुखी क्याम्पसका बिद्यार्थीले भने हाम्रो क्याम्पसका बिद्यार्थीलाई आन्दोलनमा उक्साएर हामी माथि नै आक्रमण गर्न लगाएको बताए । बिद्यार्थी आफुमाथी भएको यो उक्साहट र आक्रमणको बिरुद्धमा तत्काल बोल्न समेत नसकिएकोमा दुःख ब्यक्त गरे । आगामी दिनमा यस्ता घटना बिरुद्ध युवा तथा बिद्यार्थीहरु एक भएर समाज र देश जोगाउने मुल लक्षमा लाग्नु पर्ने सुझाव दिएका छन् । हामीमाथी भएको आक्रमण त्रासको बिषयमा अहिलेसम्म कतै कसैले पनि सुन्ने प्रयास नभएको गुनासो गरे । यस्ता अन्र्तकृया र छलफलले संगठित भएर अघि बढ्न मनोवल बढाएको बताएका छन् । कार्यक्रममा युवा नेता नेकपा एमालेका केन्दिैय सदस्य मनोज ताम्लिले जेएनजी आन्दोलनको बास्तविक अवस्था र यस भित्र लुकेको रहस्यको बिषयमा प्रस्ट पारेका थिए ।
कार्यक्रममा अनेरास्वबियु कमल गाउपालिकाको उपाध्यक्ष युनिक घिमिरे र सचिव अनिल पराजुलीले समेत आफ्नो जिज्ञासा राखेका थिए । यसरी बिद्यार्थीले नेकपा एमालेकी केन्द्रिय सदस्य गीता अधिकारीसँग जेएनजी आन्दोलनबाट लुकाएको पीडा आज धक खोलेर पोख्न पाए । झापाको दमकमा युवा बिद्यार्थीहरु नयाँ जोस र उर्जा थपेकाले उत्सहित भएको बताएका छन् ।
कार्यक्रममा प्रतिनिधि मुलक रुपमा ५० जना भन्दा बढीको सहभागिता रहेको छ । कार्यक्रममा दमक बहुमुखी क्याम्पसका पूर्वस्वबियु सभापति रोशन भण्डारी र युवा संघका दमक नगर संयोजक सुदिप वनेम फागो समेतको सहभागिता रहेको थियो ।
