झापा । मोरङको रङ्गेली नगरपालिका- २ मङ्गलवारे स्थित विराटनगर आमवारि सडक खण्डमा मोटरसाइकल दुर्घटनामा परी एक जनाको मृत्यु भएको छ । एक जना घाइते भएका छन् ।
मृत्यु हुनेमा मोटरसाइकल पछाडि सवार विराटनगर महानगरपालिका- ५ का ४१ वर्षीय बलराम बर्तोला रहेका छन् । चालक विराटनगरकै १६ वर्षीय कमल भन्ने कुनाल बर्तौला घाइते भएको प्रहरीले जनाएको छ ।
शनिवार पूर्वबाट पश्चिम तर्फ जाँदै गरेको प्रदेश नम्बरको ०१-०४-००१ प ७१६४ नम्बरको मोटरसाइकल आफै अनियन्त्रित भई दुर्घटना भएको थियो । उक्त दुर्घटनाबाट घाइते भएका बलरामको उपचारको लागी कोसी अस्पताल पुर्याउन साथ मृत्यु भएको थियो ।
घाइते कुनालको गोल्डेन अस्पताल विराटनगरमा उपचार भइरहेको इलाका प्रहरी कार्यालय रङ्गेलीले जनाएको छ ।
