दमक,१ वैशाख । मिति २०८३ साल वैशाख १ गते दिउँसो १२ः४५ बजे दमक नगरपालिका–८ स्थित पूर्व–पश्चिम लोकमार्गमा गुडिरहेको मोटरसाइकलमा अचानक आगलागी भएको छ।
प्रहरीका अनुसार भद्रपुर बाट इटहरी तर्फ जाँदै गरेको प्रदेश १–०२–०५२ प ८५७३ नम्बरको कालो रङको बुलेट मोसा गुडी रहेको अवस्थामा नेम्वाङ ड्राइभिङ सेन्टर अगाडि पुग्दा अचानक आगलागी भएको सूचना इलाका प्रहरी कार्यालय दमकमा प्राप्त भएको थियो।
सूचना पाउनासाथ प्रहरी टोली घटनास्थल पुगेको थियो। दमक नगरपालिकाको दमकल, प्रहरी र स्थानीयवासीको सहयोगमा आगो करिब १३ः०० बजे नियन्त्रणमा ल्याइएको प्रहरीले जनाएको छ।
आगलागीबाट मोटरसाइकल पूर्ण रूपमा जलेर नष्ट भएको छ। मोटरसाइकल चालक सशस्त्र प्रहरी बल नेपाल अन्तर्गत सीमा सुरक्षा गुल्म भद्रपुरमा कार्यरत सङ्खुवासभा मादी नगरपालिका–३ घर भएका सप्रसह गणेश जिमी भने सकुशल रहेका छन्।
