दमक,१६ जेठ । दमक ८ स्थित कस्मिक पार्टी प्यालेसमा नेपाल पत्रकार महासंघ झापा शाखाद्वारा पत्रकारका ११ वटा संगठन बीच आयोजित पत्रकारिताःहाजिरीजवाफ प्रतियोगितामा भद्रपुर प्रेस क्लब बिजयी भएको छ ।
त्यस्तै अर्जुनधारा प्रेस क्लब द्वितीय र प्रेस युनियन तृतीय र प्रेस क्लब, प्रेस चौतारी, नारी सञ्चार गृह, सञ्चारिका समूह, फोनिज झापा, पर्यटन पत्रकार मञ्चले सान्त्वना स्थान हासिल गरेका थिए । प्रथम, द्वितीय, तृतीय र सान्त्वना स्थान हासिल गर्नेलाई क्रमश १११११, ७७७७, ५५५५ र २२२२ पुरस्कार र प्रमाण पत्र बितरण गरिएको थियो ।
कार्यक्रमका प्रमुख अतिथि दमक नगरपालिकाका मेयर रामकुमार थापा रहनु भएको थियो । अतिथिहरुमा पूर्वसन्देश दैनिकका प्रधान सम्पादक गञ्जबहादुर दाहाल, पत्रकार महा संघ झापा शाखाका अध्यक्ष एकराज गिरी, लोकतन्त्र पोष्टकी सम्पादक अम्बिका भण्डारी, पत्रकार सुब्रत न्यौपाने, डिकेश लामालगायतको उपस्थिति रहेको थियो ।
