नेकपा एमालेका अध्यक्ष केपी शर्मा ओलीले आफ्नो पार्टीबाट निर्वाचित भएका मेयर र सांसदहरूले राजीनामा नदिएकोमा आपत्ती जनाउनु भएको छ । इलाममा आयोजीत बृहत जनसभालाई सम्बोधन गर्दै उहाँले एमाले पार्टिको सुर्य चिन्हबाट निर्वाचन जीतेका केहि मेयर , उपमेयर तथा सांसदहहरुले अहिले सम्म पार्टिबाट राजीनामानै नदिएको भन्दै आलोचना गनुभयो । ओलीले आफ्नो पार्टीबाट निर्वाचित भएकाहरुले अलग भइसकेपछि भत्ता खाएर बसिरहन नमिल्ने पनि बतउनु भयो ।
‘हेर्नुस्त, एमाले कार्यकर्ताले जुत्ता-चप्पल खियाए र पसिना बगाएर अन्तरे-जन्तरेलाई भोट हालेकाहरूले राजीनामा गर्नुपर्दैन ? भत्ता खाइराख्ने ? एमालेले लगाइरहेको सांसदको फुली, मेयरको फुली बोकेर फिर्ता गर्नुपर्दैन ? विचार गर्नुस् त, कति साह्रो लाज नभएको ? कमसेकम एमालेले टाँसिदिएका जुँगा त खौरिएर छोड्नुपर्छ नि ।
एमालेले लगाइदिएको जुँगामा ताउँ लगाएर एमालेको बाकस खाली गर्छु भन्ने ? बाकस कसको खाली हुन्छ म भन्दिनँ, तपाईंहरूले जवाफ दिनुपर्छ । यस्ता गुन बिर्सिने र स्वार्थका पछाडि कुद्ने तत्वहरुलाई तपाईंहरूले मुखभरिको जवाफ दिनुपर्छ ।’ जनसभामा सम्बोधन गर्ने क्रममा ओलीले बताउनु भयो ।
ओलीले पाँच दलीय गठबन्धनलाई चुनावमा एउटै कुचाले बढार्ने उद्घोष गर्नुभयो ‘हामी चुनाव पर्खिरहेका छौं । वैशाख ३० गते एमालेले देशभरिबाट पाँच दललाई एउटै कुचाले बढार्छ ।
जबसम्म पाँच दलीय गठवन्धनको भाँडो रित्तिदैँन, तबसम्म हामी एमालेमा प्रवेश गराउँदै जाने हो ’, ओलीले बताउनु भयो ।
जनसभमा विभिन्न पार्टि परित्याग गर्दै करिव ३ हजार जना एमालेमा प्रवेश गरेका थीए । माओवादी केन्द्र, नेपाली काग्रेस तथा अन्य दलहरुमा संगठीत सदस्य बनेकाहरु तथा अन्य नागरिकहरु पनि एमालेमा प्रवेश गरेका थीए ।
एमाले प्रवेश गर्नेहरुलाई पार्टि अध्यक्ष ओलीले दोसल्ला ओडाएर स्वागत गर्नु भएको थियो । उहाँले देश बनाउने पार्टिमा आएको भन्दै सबै नेता तथा कार्यकर्तालाई एमाले देश बनउने पार्टि रहेको र यसबारेमा जनतालाई सरल भाषामा बुझाउन गाउँ गाउँमा गएर जन जागरण कार्यक्रम गर्न निर्देशन पनि दिनुभयो ।
