Search
Close this search box.
"जेष्ठ नागरिक भवन"

सम्मान जनक रुपमा बाँच्न पाउने अधिकारलाई सुनिश्चीत गर्न झापा गाउँपालिकाद्वारा नवनिर्मित जेष्ठ नागरिक भवनको उद्घाटन

झापा/ जेष्ठ नागरिक संघ झापा गाउँपालिकाको नवनिर्मित भवनको उद्घाटन गरिएको छ । गाउँपालिका प्रमुख जयनारायण साहले भवनको उद्घाटन गर्नुभएको हो । झापा गाउँपालिका वडा नं ६ को शरणामतिमा निर्माण गरिएको १ तले भवनको उद्घाटन गर्दै गाउँपालिका प्रमुख शाहले जेष्ठ नागरिकहरुले सम्मान जनक रुपमा बाँच्न पाउने अधिकारलाई सुनिश्चीत गर्नका लागि भवन निर्माण गरिएको बताउनु भयो ।

उहाँले जेष्ठ नागरिकको सम्मान गर्ने झापा गाउँपालिकाको नीति अनुसार जेष्ठ नागरिकका लागि भवन निर्माण गरिएको बताउनु भयो । सहारा साकोस शरणामती जेष्ठ नागरिक चौतारी नामक उक्त भवन सहारा नेपाल साकोसले रु १० लाख, झापा गाउँपालिकाबाट ११ लाख र स्थानीय स्रोत जन सहभागिताबाट ३ लाख गरेर कुल २४ लाखमा निर्माण गरिएको हो ।

भवन उद्घाटनकै अवसर पारेर भवन निर्माणमा सहयोग गर्ने जग्गादाताको समेत सम्मान गरिएको छ । स्थानीय लक्ष्मी उप्रेती, धनमाया बजगाई, रुद्र बहादुर खड्का, इन्द्र प्रसाद कोइराला र निर्मला कटुवाललाई सम्मान गरिएको हो । भवन उद्घाटन कार्यक्रमको अवसर पारेर श्रीमद भागवत ज्ञान महायग्य पुराणको समेत आयोजना गरिएको छ।

Share:

Facebook
Twitter
Email
WhatsApp