काठमाडौं,२४ असार । एमालेका प्रमुख सचेतक एन बहादुर महरले बझाङमा चट्याङका कारण पशुधनमा ठूलो क्षति भएको बताउनु भएको छ ।
बुधबार प्रतिनिधिसभा बैठकमा बोल्दै महरले बझाङ जिल्लाको सुर्मा गाउँपालिका–२ मा असार २२ गते राति परेको चट्याङबाट रणबहादुर बोहोरा र लालचन्द्र बोहोराका करिब १०० वटा भेडा मरेको थप करिब ५० वटा घाइते भएको बताउनु भएको छ । उहाँले किसानलाई तत्काल राहत तथा क्षतिपूर्तिको व्यवस्था गर्न सरकारसँग माग गर्नु भयो ।
उहाँले भन्नु, ‘मेरो गृह जिल्ला बझाङको सुर्म गाउपालिका वडा नम्वर २ मा २२ गते राति ठुलो चट्याङ परेर रण बहादुर बोहोरा र लाल चन्द्र बोहोराको करिब १०० ओटा भोडा मरे र ५० वटा जति घाइते भएका छन् ।’
उहाँले उक्त घटनाबाट किसानलाई ३० देखि ४० लाख रुपैयाँभन्दा बढीको आर्थिक क्षति पुगेको बताउनु भयो । पशुपालन नै उनीहरूको मुख्य जीविकोपार्जनको आधार भएकाले सरकारबाट तत्काल सहयोग आवश्यक रहेको बताउनु भएको छ ।
‘३०÷४० लाख भन्दा बढीको क्षति भएको छ । उहाँहरूको जिउने आधार नै मुख्य त्यही थियो । यस प्रति म सरकारको गम्भीर ध्यान आर्कषन गराउन चाहन्छु । ती किसान हरूको क्षति पूर्तिको व्यवस्था गरियोस्,’ उहाँले भन्नु भयो, ‘कृषिलाई एउटा अर्थतन्त्रको एउटा महत्त्व पूर्ण आधारको रूपमा अगाडि बढाउन खोजी रहे
का छौँ । सरकारले कृषि प्रवद्र्धनको कुरा गरीरहेको छ । यसरी कृषि व्यवसाय गरी रहेका किसानहरूलाई सरकारले ध्यान दिनु पर्दछ ।
