काठमाडौँ, २५ असार । त्रिपुरेश्वरमा एक पुरुषले आफ्नै शरीरमा आगो लगाएर आत्मदाहको प्रयास गरेका छन्।
त्रिपुरेश्वरस्थित राहदानी विभागको ३ नम्बर गेट अगाडि ती पुरुषले शरीरमा आगो लगाएको काठमाडौँ प्रहरी परिसरका एसपी पवन भट्टराईले जानकारी दिए। घटना लगतै प्रहरीले घाइतेलाई उद्धार गरी उपचारका लागि वीर अस्पताल पुर्याएको छ। घाइतेको पहिचान भने अझै खुल्न सकेको छैन।
प्रहरी स्रोतका अनुसार आत्मदाह प्रयास गरेका ती पुरुषको मोटरसाइकलमा ट्राफिक प्रहरीले ुह्वील लकु लगाइदिएको थियो। सोही विषयलाई लिएर भएको विवादपछि उनले आत्मदाहको प्रयास गरेको प्रारम्भिक अनुसन्धानबाट खुलेको छ।
यद्यपि, घटनाको ठोस कारण पुष्टि गर्नका लागि प्रहरीले विस्तृत अनुसन्धान सुरु गरिसकेको छ। घटनास्थल आसपासमा राखिएका सीसीटीभी ९ऋऋत्ख्० फुटेजको पनि अध्ययन भइरहेको प्रहरीले जनाएको छ। ती पुरुष राहदानी विभागमा आएका सेवाग्राही हुनसक्ने आशंका गरिएको छ।
