दमक,२९ असार । दमकमा २१३ औँ भानु जयन्तीको अबसरमा भानुभक्तको रामायण स्लोक र कविता वाचन प्रतियोगिता सम्पन्न भएको छ । जेष्ठ नागरिक सम्मान प्रतिस्ठान दमकले आयोजना गरेको सो प्रतियोगिता कार्यक्रममा छुट्टाछुट्टै सहभागी बिजेता भएका छन । रामायण वाचन तर्फ दमक १ निवासी सरिता खनाल प्रथम, दमक ५ निवासी बिष्नु बडाल द्वितीय र दमक २ निवासी त्रीलोचन उप्रेती तृतीय हुनुभएको छ ।
यस्तै कविता तर्फ दमक ९ निवासी गजेन्द्र घिमिरे प्रथम, दमक ९ निवासीनै सुशिला अधिकारी द्वितीय र दमक ६ निवासी भगवती गिरि तृतीय हुनुभएको छ । उहाँहरुसबैलाई प्रमुख अतिथि दमक नगरपालिका शिक्षा समिती अध्यक्ष कुबेर भट्टराईले पुरस्कार तथा प्रमाणपत्र बितरण गर्नुभएको थियो ।
प्रतिस्ठानका अध्यक्ष दुर्गा प्रसाद पौडेलको अध्यक्षता सम्पन्न कार्यक्रमको पुरस्कारको प्रायोजक साहित्य, कला तथा भाषाप्रेमी दमक ५ निवासी कमल प्रसाद दाहालले गर्नुभएको थियो ।
