काठमाडौँ , १० भदौ। नेपाली कांग्रेसकी प्रमुख सचेतक वासना थापाले रसुवाबाट सुरु भएको विनाशकारी बाढी र पहिरोले देशभर शोकको वातावरण सिर्जना गरेको बताउनु भयो।प्रतिनिधि सभाको बुधबारको बैठकमा उहाँले विपद्को यो कठिन घडीमा राजनीतिभन्दा नागरिकको जीवन रक्षालाई पहिलो प्राथमिकतामा राख्नुपर्नेमा जोड दिइनु भयो।
सचेतक थापाले विपदमा परेका नागरिकले राज्य हाम्रो साथमा छ र सरकार हाम्रो दुःखमा उभिएको छ भन्ने अनुभूति गर्न पाउनुपर्ने बताए। उहाँले उद्धार, राहत र उपचारका सम्पूर्ण संयन्त्रलाई तत्काल र प्रभावकारी रूपमा परिचालन गर्न सरकारसँग माग गरिन्। बेपत्ता नागरिकको खोजी, घाइतेको उपचार र विस्थापित परिवारको सुरक्षित व्यवस्थापनमा कुनै कसर बाँकी राख्न नहुने उहाँको भनाइ थियो।
सरकारले गर्ने हरेक उद्धार तथा राहतका कार्यमा नेपाली कांग्रेसले खुल्ला हृदयका साथ पूर्ण सहयोग गर्ने प्रतिबद्धता उहाँले व्यक्त गर्नु भयो। ‘यो सङ्कटको समयमा सरकारलाई सहयोग गर्नु हाम्रो राजनीतिक जिम्मेवारी मात्र होइन, मानवीय दायित्व पनि हो,’ उहाँले भन्नु भयो । नेपाली कांग्रेसका कार्यकर्ताहरू अहिले प्रभावित क्षेत्रमा पुगेर जनताको सेवामा जुटिसकेको जानकारी पनि उहाँले दिइनु भयो ।
बाढीले पु¥याएको क्षतिको यथार्थ विवरण सङ्कलन गरी पुनस्र्थापना र पुनर्निर्माणका कामलाई ढिला नगरी अगाडि बढाउन उहाँले सरकारको ध्यानाकर्षण गराउनु भयो। प्रभावित क्षेत्रका लागि आवश्यक राहत सामग्री तत्काल पु¥याउनुपर्नेमा उहाँले जोड दिइनु भयो।रसुवा, नुवाकोट, धादिङ, चितवन र गोर्खाका नागरिकको दुःखमा सिङ्गो नेपाल उभिएको बताउँदै उनले सबैलाई धैर्य धारण गर्न र विपद् व्यवस्थापनमा जुट्न अपिल गर्नु भयो ।
