काठमाडौँ,१० भदौ । त्रिशूली बजारमा अवस्थित त्रिभुवन त्रिशूली माध्यमिक विद्यालयका प्रधानाध्यापक राजेन्द्र दवाडीले त्रिसुलीवारिका सबै विद्यार्थीहरू सुरक्षित रहेको बताउनु भएको छ् । यस विद्यालयमा कुल १६४३ जना विद्यार्थी अध्ययनरत छन् ।
उहाँले विद्यालयको होस्टेलमा बस्ने र त्रिसुलीवारिका सबै विद्यार्थी सुरक्षित रहेको बताउनु भयो । उहाँले भन्नु भयो, ‘होस्टेलमा बस्ने र त्रिसुलीवारिका सबै सुरक्षित छन् । त्रिशूली बजार, विदुर, बट्टारतिरबाट आएका विद्यार्थी केही मिसिङ भएकी भन्ने आशङ्का छ ।’
दुई वटा बस सुरक्षित रूपमा गएको जानकारी पाएको बताउनु भयो । उहाँले भन्नु भयो– ‘केही विद्यार्थी बाढी हेर्न गएकी भन्ने छन् । केही अभिभावकहरूले सम्पर्क गरेका छन् । तर वास्तविक विवरण प्राप्त नभएकाले यसै भन्ने अवस्था छैन ।’ विद्यालयमा १२ कक्षासम्मको पढाइ हुँदै आएको छ ।
