काठमाडौं, ११ भदौ । नेपाल–चीन सीमा क्षेत्रमा पहिरोपछि बनेको प्राकृतिक तालमा करिब २० लाख घनमिटर पानी जम्मा भएको छ।
चिनियाँ जलस्रोत मन्त्रालयले आगामी तीन दिनमा थप ३० लाख घनमिटर पानी थपिन सक्ने भन्दै ताल फुट्ने उच्च जोखिम रहेको चेतावनी दिएको छ।
छोचेन खोला र पुरेपु त्साङ्पो नदीको संगमस्थलनजिक बनेको उक्त तालको चिनियाँ अधिकारीहरूले निरन्तर निगरानी गरिरहेका छन्। सम्भावित बाढीको जोखिम आकलन गर्दै उद्धार तथा राहतको तयारीसमेत भइरहेको छ।
यसैबीच, नेपालतर्फ भोटेकोशी बाढीबाट मृत्यु हुनेको संख्या २७० पुगेको छ भने चीनतर्फ तीन जनाको मृत्यु र ५५८ जना बेपत्ता रहेको चिनियाँ अधिकारीहरूले बताएका छन्।
