दमक, २३ भदौ । स्नेहा लिम्बू र सोहन सेडाईँ ‘इन्टर स्कुल प्रिन्स एन्ड प्रिन्सेस मोडल आइकन–२०२६’ को विजेता बनेका छन् ।
किङ्स नेपाल क्रिएसन कम्पनी प्रालिको आयोजनामा झापाको दमकस्थित हिमालय माध्यमिक विद्यालयमा आइतबार सम्पन्न प्रतियोगिताको ग्राण्ड फिनालेमा सिनियरतर्फ प्रिन्सेसमा स्नेहा लिम्बू र प्रिन्सतर्फ सोहन सेडाईँ विजेता बनेका हुन् ।
सिनियर प्रिन्सेसतर्फ प्रदेश विजेता रोशनी चौधरी र झापा विजेता इच्छा राई भएका छन् । प्रिन्सतर्फ प्रदेश विजेताको ताज रवि टुडुले जितेका छन् ।
जुनियर प्रिन्सेसतर्फ नुनिवा चेम्जोङ विजेता बनेकी छन् । प्रदेश विजेता दिप्मा लिम्बू, झापा विजेता नुरिन योङ्हाङ र दमक विजेता आशिका राई भएका छन् । जुनियर प्रिन्सतर्फ ग्रीस राई विजेता भएका छन् ।
प्रतियोगितामा मल्टिमिडिया अवार्डतर्फ सिनियरमा प्रतिमा रोका र इच्छा राई तथा जुनियरतर्फ दिप्मा लिम्बू र यूनिस थापा मगर विजेता बनेका छन् ।
किङ्स नेपालका संस्थापक कृष्ण शाहका अनुसार प्रतियोगिताको निर्णायकमा मिस नेपाल कोस्मो दिपशिखा नेपाल, मिष्टर नेपाल प्रकाश चौहान, विवश राई र मनिला ढकाल रहेका थिए ।
दमक नगरपालिका प्रमुख रामकुमार थापाको प्रमुख आतिथ्यतामा सम्पन्न कार्यक्रममा विभिन्न विद्यालयबाट सहभागी प्रतियोगीहरूले आफ्नो प्रतिभा प्रस्तुत गरेका थिए ।
