गोरखा ,४ असोज। गोरखाको सिरानचोक गाउँपालिका–थालाजुङमा जिप दुर्घटना हुँदा एक वृद्धाको मृत्यु भएको छ भने सात जना घाइते भएका छन्।
भच्चेकबाट चित्रेपोखरीतर्फ जाँदै गरेको ग १ ज ६३८९ नम्बरको जिप थालाजुङमा सडकको नालामा खसेर भित्तामा ठोक्किएको प्रहरीले जनाएको छ।
दुर्घटनामा गम्भीर घाइते भएकी ८१ वर्षीया लालमाया गुरुङको उपचारका क्रममा मृत्यु भएको हो।
दुर्घटनामा घाइते भएका सात जनाको प्रदेश अस्पताल आँपपिपलमा उपचार भइरहेको प्रहरीले जनाएको छ।
दुर्घटनाको थप विवरण तथा कारणबारे प्रहरीले अनुसन्धान गरिरहेको छ।
