काठमान्डौ,१९ असोज।नेपाल वायुसेवा निगमले महँगो ब्याजदर र ठूलो ऋण दायित्वका कारण वित्तीय संकट झेलिरहेको जनाएको छ।
संसद्को अन्तर्राष्ट्रिय सaम्बन्ध तथा पर्यटन समितिको बैठकमा निमित्त महाप्रबन्धक जनकराज कालाखेतीले कर्मचारी सञ्चय कोष र नागरिक लगानी कोषको ऋणमा क्रमशः ९.२५ र १०.५ प्रतिशत ब्याज तिर्नुपरेको बताए।
त्यस्तै, राष्ट्र प्रमुखको विदेश भ्रमण, कोभिडकालीन उद्धार तथा विभिन्न रेस्क्यु उडानबापत सरकारी निकायबाट १३ करोड ७५ लाख रुपैयाँ उठ्न बाँकी रहेको निगमले जनाएको छ।
कालाखेतीका अनुसार ऋण पुनर्संरचना र ब्याजदर घटाउन सके निगमलाई नाफामा लैजान सहज हुनेछ।
