पथरी, २५ असोज / मोरङको पथरी शनिश्चरे नगरको पथरी बजारमा टीभीएस शो रुम मार्फत मोटरसाइकल र स्कुटरको सट्टपट्टा तथा बिक्रीमा विभिन्न उपहारसहित ‘अचम्मैको डिल’ कार्यक्रम सञ्चालन गरिरहेको छ ।
दशैं तिहारको अवसरमा पथरी बजारको मन्दिरलाइनमा असोज २३ देखि कार्तिक १ गतेसम्म ‘अचम्मैको डिल’ अफर कार्यक्रम सञ्चालनमा छ । जसमा पहिलो दिन ९ वटा नयाँ मोटरसाइकल र स्कुटर बिक्री तथा सट्टापट्टा भएको छ । ग्राहकहरुले आफूसँगको जुनसुकै कम्पनीको मोटरसाइकल र स्कुटर सट्टा गर्न र टीभीएस ब्रान्डको मोटरसाइकल र स्कुटर लिन रुचाएको अवस्था छ । जसमा सबैभन्दा बढी स्कुटर बिक्री भएको देखिएको छ ।
पुरानो मोटरसाइकल र स्कुटीको सट्टापट्टा गर्दै नयाँ किन्ने ग्राहकका लागि अनलाइन उपहार चिठ्ठा कार्यक्रम अन्तर्गत सुनको चाबी (गोल्डेन की) तथा ६ हजारदेखि १० लाखसम्मको नगद उपहार पाउने व्यवस्था गरिएको टीभीएस मोटरसाइकल बिक्रेता लक्ष्मी अटोमोबाइल्सका प्रोप्राइटर लक्ष्मीप्रसाद श्रेष्ठले जनाउनु भयो ।
हेल्मेट निःशुल्क प्रदान गर्नुकासाथै प्रत्येक दिन २ जना ग्राहकका लागि ५ वर्षसम्मको निःशुल्क सर्भिसिङको सेवा समेत प्रदान गरिएको उहाँले उल्लेख गर्नुभयो ।
साथै ६० हजार किमीसम्म लाइफटाइम वारेन्टीका रुपमा वारेन्टी सेवा प्रदान गरिएको छ । यस अघि साउन १० देखि १६ सम्म सञ्चालित ‘अचम्मैको डिल’ मा ३७ वटा मोटरसाइकल बिक्री भएको थियो ।
