बारा,१४ कार्तीक ।बाराको फेटा गाउँपालिका–३ स्थित आधारभूत स्वास्थ्य कार्यालयको नवनिर्मित भवन उद्घाटन कार्यक्रममा गोली चल्दा एक जना गम्भीर घाइते भएका छन्। घटनापछि आक्रोशित स्थानीयले १० भन्दा बढी मोटरसाइकलमा आगजनी गरेको बताइन्छ ।नवनिर्मित भवनमा विद्युत्, खानेपानीलगायत आधारभूत पूर्वाधारको व्यवस्थापन नै नगरी उद्घाटन गर्न लागिएको भन्दै स्थानीयले विरोध जनाएका थिए। भवन सञ्चालनका लागि आवश्यक सुविधा सुनिश्चित नगरी उद्घाटन गर्न खोजिएको स्थानीयको आरोप छ । त्यसपछि उनीहरु र गाउँपालिका नेतृत्वबीच विवाद उत्पन्न भएको हो ।
रास्वपा महाधिवेशन प्रतिनिधिसमेत रहनु भएका गाउँपालिका अध्यक्ष रुस्तम अन्सारी विवेकशील साझा हुँदै रास्वपा प्रवेश गर्नु भएको हो। उहाँले स्थानीयको विरोधका बाबजुद जबर्जस्ती उदघाटन गर्न खोजेपछि विवाद चर्किएको बताइन्छ ।घटनापछि फेटा क्षेत्रमा तनावपूर्ण अवस्था सिर्जना भएको छ। गोली कसले र किन चलायो भन्ने विषयमा प्रहरीले अनुसन्धान गरी सत्यतथ्य सार्वजनिक गर्नुपर्ने माग स्थानीयले गरेका छन्।
