दमक /
झापाको कमल गाउपालिकामा प्रमुख कार्यालय रहेको पुर्व नेपाल बहुउद्देश्यीय सहकारी संस्थाले यश क्षेत्रमा अध्यनरत तीन जना विपन्न विद्यार्थीलाई छात्रवृत्ति वितरण गरेको छ । बिद्यालयले सिफारिस गरेको आधारमा माद्यामिक तह सम्मका लागि आवस्यक खर्च बेहोर्ने गरि छात्रवृत्ति बितरण गरिएको सहकारीका बिभागिय प्रमुख मिलन सापकोटाले जानकारी दिनु भयो ।
गरिब जेहन्दार विद्यार्थीलाई बृत्तिविकासमा टेवा पुग्ने गरि कमल २ मा रहेको मदन आश्रित स्मृति माध्यमीक विद्यालय र
नरेन्द्र जनता माध्यमीक विद्यालय कमल–१ का विद्यार्थीलाई नगद २१ हजारका दरले छात्रवृत्ति बराबरको रकम बितरण गरिएको सहकारीकि प्रमुख कार्यकारी अधिकृत चन्द्रकला ढकालले जानकारी दिनु भयो ।
मदन आश्रीतमा अध्यनरत पर्वत राई र नरेन्द्र जनतामा अध्यनरत आर्यन मर्डी रितिक कार्कीले छात्रवृत्ति पाएका हुन । राईलाई एकमुष्ट २१ हजार र मर्डी र कार्कीलाई पहिलो किस्ता बापत १०/१० हजार नगद प्रदान गरिएको छ ।
यो कार्यक्रम पूर्वनेपाल वहुउद्देश्यीय सहकारी संस्था लि. को आयोजना, अन्तराष्ट्रिय झापाली समाज यूएस र जिल्ला सहकारी संघ झापाको सहकार्यमा सम्पन्न भएको हो । संस्थाले प्रत्येक वर्ष ३ जनाको दर छात्रबृत्ति संख्या थप गर्दै लैजाने लक्ष लिएको छ ।
