दमक/
विश्वप्रसिद्ध अमेरिकी नाटक तथा टिभी सिरिज टुभेल एङग्री मेनको नेपाली रुपान्तरण हो नाटक १२ दुर्वासा । यो नाटक झापाको दमकमा प्रदर्शन हुने भएको छ । दमकमा रहेको कदम थिएटरले नाटक प्रदर्शनको तयारी गरिरहेको छ । भदौ १० गते देखी २६ गते सम्म थिएटरकै हलमा प्रदर्शन गरिने नाटकको तयारी अहिले धमाधम गरिरहिएको छ ।
१४ जना कलाकाहरुलाई नाटकको अभिनय गराउन निरन्तर अभ्यास गराइरहिएको छ । प्रचार प्रसार गर्न र आर्थीक व्यवस्थापन गर्न समुह समुह बनाएर परिचालन गरिरहिएको छ । यो नाटकलाई नेपाली भाषामा रुपान्तरण गरेपछि यसलाई मुर्त रुप दिन नाटक निर्देशक सिजन दाहालले मिहनत गरिरहनु भएको छ ।
उहाँकै निर्देशनमा यसको अभ्यास गराइरहिएको छ । थिएटरको हलमा हरेक दिन साझको समयमा यसको अभ्यास भइरहेको छ । नाटकमा राष्ट्रिय स्तरका कालाकारका साथै अन्य क्षेत्रमा आफुलाई परिचीत गराइसकेका व्यक्तिहरुलाई पनि नाटकको मञ्चमा देख्न सकिने उज्यालो खवरसँगको कुराकानीका क्रममा दाहालले बताउनु भयो ।
मौसम राना, हेमन्त बुढाथोकी, पत्रकार चिरन्जीवी घिमिरे, दमक नगरपालिकाका नि वर्तमान प्रमुख रोमनाथ ओली लगायतलाई विभिन्न भूमिकामा देख्न सकिने छ ।
नाटक भित्र के छ ?
यो नाटक संसारका धेरैवटा देशहरुमा धेरैवटा मञ्चहरुमा यो नाटक मञ्चन भइसकेको छ । वि.सं. २०७३ सालमा नेपालमा पनि मण्डला थिएटरले २१ दिन सम्म मञ्चन गरेको थियो । सामाजिक परिवर्तन तथा राजनैेतिक परिवर्तनले आजको समयमा हरेक मान्छेको विचारलाई सैद्धान्तिक रुपमा सम्मान गर्न नाटकले सिकाएको छ ।
नेपालको परिदृश्यमा त हरेक निणर्य बहुमतले पारित गर्ने चलन छ । यदि अदालतलाई कुनै निणर्य गर्न गाह्रो भएमा वा विशेष कारण वश कुनै मुद्दामा गम्भिर शंका देखेमा फरक पेशाका १२ जना आम नागरिकलाई त्यस मुद्दामा छलफल गर्न लगाएर निणर्य गर्न लगाईने अभ्यास भएका छन्, केहि देशहरुमा ।
यो नाटक यहि पृष्ठभुमीबाट शुरु भएको छ । १२ जना आम नागरिक एउटा बन्द कोठा भित्र निणर्य गर्न लागि परेका छन् । १२ जनाले सर्वसम्मतीमा नै निणर्य गर्नु परेकाले १२ जनाको बिचारको बिचमा भएको संघर्षको कथा हो, १२ दुर्वासा ।
यो नाटकलाई सुरेश सापकोटाले नेपालीमा अनुवाद गर्नु भएको हो ।
नाटकको तयारी र यसले दिने सन्देशका बारेमा निर्देशक सिजन दाहालसँग गरिएको संक्षीप्त कुराकानीको भिडियो हेरौ ।
