दमक/
पछिल्लो समय तीज पर्वलाई भडकिलो र देखासिखीमा मनाउने गरियो भन्दै आलोचना पनि हुने गरेको छ । हिन्दु महिलाहरुको विषेश पर्वको रुपमा मनाइने पर्व तीजलाई नेपाली सस्कृती जोगाउने र यसको महत्व झल्काउने भन्दा पनि उछृङखल नृत्य गर्दै मदिरा पिएर होटल तथा पार्टि प्यालेसमा भव्य पार्टि गर्दै तीज मनाउने असभ्य सस्किृतीको विकास भइरहेको छ ।
यद्यपी दमकका केहि महिलाहरुले भने तीज हुने खानेको मात्रै नभएर हुदा खानेले पनि मनाउन पर्छ भन्ने सोच राखेर फरक तरिकाले कार्यक्रम गर्यो ।
दमकमा बिभिन्न क्षेत्रमा मजदुरी गरेर आफ्नो जीविका चलाइरहेका महिलाहरुलाई पनि भेला गराएर लायन्स क्लव अफ दमक सेविकामा आवद्ध भएका महिलाहरुले तीज मनाए ।
तीजमा विभिन्न प्रकारका परिकारहरु पकाइएका थीए । तीजका गीत घन्काउँदै नाच्ने र केहि बेर भएपनि मनलाई आनन्द बनाउने काम ती मजदुर महिलाहरुले गर्न पाए । यती मात्रै होईन ती महिलाहरुलाई तीजको कोशेली स्वरुप रातो सारी , चोलो , राता चुरा तथा नङ पोलीस पनि दिइयो ।
‘समाजमा हुनेखानेले तीजमा राता सारी लगाएर नाचेको देख्खा ती मजदुर महिलाहरुले पनि त्यसै गरि रमाउन पाउनु पर्छ भन्ने सोचले उहाँहरुलाई तीजको कोशेली दिएका हौ’ अध्यक्ष कमला घिमिरे भन्नु हुन्छ ‘ तीज सबै नेपाली महिलाहरुका लागि हो । सबैले समान तरिकाले मनाउने पाउनु पर्छ ।’
अघिल्लो वर्ष पनि यो समुहले यस्तै मजदुर महिलाहरुलाई तीज कोशेली दिएर तीज मनाएको थियो ।
यो पटक पनि १० जना महिला मजदुरहरुलाई तीजमा आवश्यक पर्ने श्रींगारका सामाग्री दिएर मनाएको अध्यक्ष घिमिरेले उज्यालो खवरलाई जानकारी दिनुभयो ।
