दमक/
अहिले प्रदेश १ को नाम के राख्ने भन्ने चर्चा चलिरहेको छ । पछिल्लो समय मुख्यमन्त्री शेरधन राईले प्रदेशसभामा सहभागि भएका सबै दलका नेताहरुसँग भेटेर छलफल प्रारम्भ गरेपछि अहिलेको बजेट अधिबेसनमै नाम आँउछ कि भन्ने विस्वास पनि बढ्दै गएको छ । दलका नेताहरुलाई मुख्यमन्त्रीले यहि अधिबेसनमा नाम राख्न सहजिकरण गर्नुपर्यो भनेर अनुरोध गरेपछि दलभित्र पनि छलफल हुन थालेका छन् ।
संसदिय दलका नेताहरुले दलका तर्फबाट कुनै नाम प्रस्तावमा ल्याउने र त्यसमा छलफल गरिनुपर्ने बताइएको मुख्यमन्त्री राईले जानकारी दिनुभयो । कार्यक्रम जनतासँग मुख्यमन्त्रीमा कुराकानी गर्दै उहाँले संसद सुरु हुनुअघि नै यसबारेमा दलका नेताहरुसँग फेरि छलफल हुने छ । त्यो छलफलले एउटा साझा नाममा सहमति जनाएर संसदमा बिजनेशको रुपमा पेश गरेर अघि बढ्ने उहाँले बताउनु भयो ।
यदि संसद अघि आएका नामको प्रस्तावमा सहमति मिल्न नसकेमा संसदमा लगेर सांस्दहरुलाई स्वन्त्र रुपमा प्रस्तावित नाम छनौट गर्न भन्दै आह्वान गरिने उहाँले बताउनु भयो । यसरी जुन नाममा बहुमत आउँछ प्रदेश १ ले त्यहि नाम पाउने उहाँको भनाई छ । यसरी नामका लागि अव सबैदलहरु जो संसदमा सहभागि हुनुहुन्छ उहाँहरु पनि उत्तिकै जिम्मेवार बन्न उहाँले आग्रह गर्नु भएको छ ।
त्यसैले आफुले यसको थालनी गरिसकेकोले अव प्रदेश १ ले चँाँडै नाम पाउने आश्वासन दिनु भएको छ । यो अधिबेसनले पनि नाम पाउन सकेन र दलका नेताहरुले दलभित्र छलफल गरेर नामको प्रस्ताव ल्याउन सक्नु भएन भने त्यसको जवाफदेहि तत् तत् दल र त्यसका नेताहरु पनि हुनुपर्ने उहाँको भनाई छ ।
संसदमा बिजनेश पर्याप्त भएकाले संसद सचिवालले चाँडै नै बैठक आह्वान गर्न सक्ने उहाँले संकेत पनि गर्नु भएको छ ।
