एजेन्सी, फागुन २०
अमेरिकी राष्ट्रपति डोनाल्ड ट्रम्प र युक्रेनका राष्ट्रपति भोलोदोमिर जेलेन्स्कीबिच भएको चर्को बहस र भनाभनपछि अमेरिकाले युक्रेनलाई दिँदै आएको सैन्य सहायतामा रोक लगाएको छ ।
युक्रेनलाई दिँदै आएको सैन्य सहायताको समीक्षा गर्नका लागि तत्काल सैन्य सहायतामा रोक लगाइएको ह्वाइट हाउसका एक अधिकारीको भनाई छ । अमेरिकी राष्ट्रपति ट्रम्पले युक्रेनी राष्ट्रपति जेलेन्स्कीको विद्रोही व्यवहारलाई धेरै समय सहन नसक्ने सोमबार चेतावनी दिनु भएको थियो ।
युक्रेन–रुस युद्ध सुरु भएपछि युक्रेनलाई हतियार उपलब्ध गराउने अमेरिका मुख्य राष्ट्र हो । युक्रेनलाई अमेरिकी सैन्य सहायता तीन माध्यमबाट प्राप्त हुँदै आएको थियो । अमेरिकाका विदेशमन्त्री मार्को रुबियोले राष्ट्रपति ट्रम्पमार्फत चीनलाई बार्तामा ल्याएर युक्रेनमा युद्धलाई स्थायी रुपमा अन्त्य गर्न सक्ने भन्दै त्यसतर्फ कदम चालिने जनाउनु भएको छ ।
