दमक, चैत ९
झापाको बुद्धशान्ति गाउँपालिका ४ स्थित मेची राजमार्गबाट सशस्त्र प्रहरीले १ हजार ६ सय ३६ किलो गाँजासहित दुईवटा ट्रक र दुई जनालाई नियन्त्रणमा लिएको छ ।
५७ वटा बोरामा रहेको गाँजासहित धनकुटाको शहिदभूमि नगरपालिका ४ बस्ने महेश राई र इलाम जिल्लाको माईजोगाई गाउँपालिका २ बस्ने ३७ वर्षीय गङ्गाबहादुर बस्नेतलाई नियन्त्रणमा लिएको जिल्ला प्रहरी कार्यालय झापाले जनाएको छ ।
इलामबाट झापातर्फ आउँदै गरेको को. १ ख ५००१ र प्र. १–०२–००२ ख ०५८४ नम्बरको मिनी ट्रकलाई विशेष सूचनाको आधारमा नम्बर १ बराह बाहिनी मुख्यालय र नम्बर २ गण झापा मातहत सुरक्षा वेश टिमाईबाट खटिएको संयुक्त सुरक्षा फौजले चेक जाँच गर्दा गाँजा फेला परेको थियो
