काठमाडौ , चैत्र २१– काठमाडौं महानगरपालिकाका प्रमुख प्रशासकीय अधिृकत सरोज गुरागाईं महानगरपालिका कार्यालयमा हाजिर हुनुभएको छ ।उहालाई कर्मचारीहरूले नै सुरक्षा दिएर कार्यकक्षसम्म पुर्याएका छन्।
कर्मचारीहरूले उहाको कार्यकक्षमा लगाइएको ताला फुटाएरै प्रमुख प्रशासकीय अधिकृत गुरागाईंलाई कार्यकक्षमा पुर्याएका हुन्।
गुरागाईंलाई महानगरपालिकामा रोक्न मेयर बालेन्द्र शाहले महानगर प्रहरी परिचालन गरी अवरोध गर्नु भएको थियो ।
उहाले गुरागाईंको कार्यकक्षसमेत बन्द राख्न लगाउनु भएको थियो ।
हाजिर हुन महानगरपालिका पुग्नु भएका गुरागाईंलाई नगर प्रहरीले गेटमै अवरोध गर्न खोजेका थिए।
तर, कर्मचारीहरूले रोक्न नदिइ उहालाई कार्यालय प्रवेश गराएर हाजिर गराएका हुन्।
गत पुस ७ गतेदेखि गुरागाईंलाई बिदामा राखिएको थियो ।
