काठमाण्डौं,२२ असोज । बाढी पहिरोका कारण अझै ३२ स्थानमा सडक अवरुद्ध भएको छ । बुधबार सडक विभागले सार्वजनिक गरेको विवरण अनुसार देशका विभिन्न राजमार्गका ३२ स्थानमा अवरुद्ध रहेको विवरणमा उल्लेख छ ।
विभागकाअनुसार बीपी राजमार्गमा बाढी पहिरोका कारण १८ स्थानमा सडक अवरुद्ध बनेको छ भने मेची राजमार्ग १० स्थानमा, भेडेटार रबि राँके सडक पाँचथरमा सडक अवरुद्ध भएको छ ।
यस्तै ताप्लेजुङ्को फक्ताङलुङ–५ र ६ जोड्ने रानीपुल बेलीब्रिज बाढीले बगाउँदा तमोर करिडोर अवरुद्ध भएको छ । सङ्खुवासभाको अल्फटेमा पहिरोका कारण कोशी राजमार्ग अवरुद्ध भएको छ ।
गत असारमा चीनतर्फबाट आएको बाढीले तातोपानी, टिमुरेमा क्षति गर्दा स्याफ्रुवेंसी–रसुवागढी सडक पूर्ण रूपमा अवरुद्ध भएको छ । अवरुद्ध भएका सडकमा विभागले उपकरणहरू परिचालन गरी खुलाउने प्रयास भइरहेको सडक विभागले बताएको छ ।
