दमक, २७ कार्तिक । दमक नगरपालिकाको वार्ड ६ को कार्यालयमा प्रवेश गर्ने बित्तिकै एउटा दृष्यले सबैको ध्यान खिच्न सक्छ । वार्डको अली अघील्तिर पश्चिम फर्काएर खाली उदाङ्गो पारेर छोडेको एउटा कोठा । त्यो कोठाको माथीपट्टि लेखीएको छ ‘हुनेले दिउँ, नहुनेले लिउँ ’। वार्ड ६ द्धारा सञ्चालीत कपडा बैंक । यहाँ लेखिएको वाक्यको भावलाई त्यहाँ भीत्र राखीएका कपडाको अवस्थाले स्पष्ट पार्छ कि यो विप्पन्नकालागी निकैनै प्रभावकारी कार्यक्रम हो ।
दमक नगरपालिका वार्ड ६ दमकको गरीमा र मुख्य दपर्णको वार्ड हो । यो वार्ड व्यापारीक वार्ड र ब्यापारीहरु बस्ने भएकोले यहाँबाट नागरीक स्तरदेखीनै सामाजीक भाव सहितको काम र सेवा गरिन पर्छ भनेर यो कामको सुरुवात गरिएको छ ।
तीन महिना अघीदेखी सुरु भएको यो कार्यक्रममा अहिले सम्म कयौले केहि पटक लगाएका कपडा ल्याएर राख्नु भएको छ । कयौले यहीबाट छानी छानी निशुल्क रुपमा आफ्नो आवश्कता अनुसारका कपडा लैजानु भएको छ ।
निकै प्रभावकारी यो कार्यक्रम अव जाडो लागेको र जाडोको समयमा थप आकर्षक हुन सक्ने अनुमान वार्ड कार्यालयको छ । वार्ड अध्यक्ष टेक बहादुर थापा भन्नु हुन्छ ‘अव त अझ जाडो आएको छ । यस्तो बेलामा कोहि पनि न्यानो कपडाबाट बञ्चित हुन नपर्ने गरी यो कार्यक्रमलाई टोल स्तरबाट जागरुप गराइ नागरिक सहभागीता बढाइने छ । र हुनेले दिने , नहुनेले लैजाने कार्यक्रमलाई प्रभावकारी बनाइने छ । उहाँका अनुसार यो वर्ष यदी अधिकमत कपडा संकलन भएमा त्यसलाई मोर्डीफाई गरि डसना र सिरक बनाएर समेत लक्षीत परिवार र वर्गलाई वितरण गरिने छ ।
वार्ड अध्यक्ष थापाले यो कार्यक्रमलाई नगरका सबै क्षेत्रको आवश्यकता पुरा गर्ने गरि अघी सारीएको बताउँदै सहयोग गर्न चाहनेहरुलाई जोडीनकालागी पनि आह्वान गर्नु भएको छ । यसले जाडोमा कोहि पनि कठ्याग्रीएर बस्नु पर्ने समस्याको अन्त्य गर्दै समतामुलक समाज निर्माणमा समेत टेवा पुग्ने उहाँको विस्वास छ ।
