रतुवा–मावाकाे बालुवामा चाेरकाे रजाइँ , नदी दाेहन राेक्ने हिम्मत कसले गर्ला ?

प्रहरी प्रशाषनको कमजोर उपस्थितीका कारण ठेक्का लगाएर कर उठाउन प्रमुख जिल्ला अधिकारीको अनुरोध ।

दमक, १० मंसिर । दमकको रतुवा र मावा नदिमा अत्याधीक नदि दोहन भएको छ ।यस भन्दा अघील्ला पटक नदि उत्खनन् गर्न स्थानीय तहहरुले ठेक्कानै लगाउने गर्दथे । तर यो पटक अहिले सम्म ठेक्का पनि लागेको छैन । ठेक्का लाग्ने बेलामा जेन जी आन्दोलन भयो । त्यसपछि सबैथोक अस्तव्यस्त भएका कारण ठेक्का लाग्न सकेको थिएन । यस्तो संक्रमणकालीन अवस्थाको फाईदा उठाउँदै नैतीकता हराएका केहि खोलाका बालुवा चोर्नेहरु दिन दहाडै नदिमा पसेर दोहन गरिरहेका छन् ।

रतुवा नदि तर्फ पश्चिम पट्टि चुलाचुली गाउँपालिकाले निर्माणको काम गरिरहेको छ । यही मौका पारेर निर्माणका लागी भन्ने बाहना बनाउने तर अनाधिकृत रुपमा रतुवा नदि दोहन गर्ने र चोरी गरि बेच्ने । यो क्रम अहिले पनि चलीरहेको छ । नियन्त्रणकालागी शशक्त ढंगबाट लाग्न राज्यको संयन्त्रले सकिरहेको छैन । किन ? किनकी अहिले प्रहरी प्रशाषनलाई कमजोर बनाइएको छ । हात हतियार र अन्य श्रोत सामाग्री लुटिएका छन् । प्रहरीको मनोवल कमजोर पारिएको छ । अनी यता नगर प्रहरी र जनप्रतिनधी निरिक्षण र अनुगमन गर्न जादा उल्टै जाइलाग्ने गरीको स्थिती पनि बन्ने गरेको छ । यो तथ्य दमक नगरपालिकाका नगर प्रमुख राम कुमार थापाले उजागर गर्नु भएको हो ।

बुधबार दमक नगरपालिकाको हलमा प्रमुख जिल्ला अधिकारी शिवराम गेलाल सहितको उपस्थिती कार्यक्रममा नगर प्रमुख थापाले भन्नु भयो दमकमा खोला तस्करी रोक्नै सकिएन । नगर प्रमुख थापाले भन्नुभयो प्रहरी र प्रशाषनलाई अनी छिमेकी पालिकाहरुलाई यसको नियन्त्रमा समन्वय गर्न भनेर पत्रचार गर्ने औपचारीक काम मात्रै भयो । तर त्यसबाट कुनै परिणाम दिन सकिएन । एक्सनमा उत्रन नसक्दा अहिले रातमा मात्रै नभएर दिनमा पनि नदि दोहन भइरहेको छ जसले गर्दा अव ठेक्का लगाउने अवस्था पनि भएन । उहाँले खोलाबाट निस्कने जती परिणामका निर्माणजन्य सामाग्री हुन ती बिना कर लैजान पाएपछि ठेक्का लगाउने अवस्था समेत नबनेको उल्लेख गर्नुभयो । यसले गर्दा दमक नगरपालिकाले मात्रै रतुवा र मावा नदिबाट वर्षमा दुई देखी अढाई करोड आम्दानी गरिरहेको थियो अहिले त्यो गुमीरहेको छ ।

यसले सरकारको आम्दानी मात्रै घटाइरहेको छैन । कहाँ खन्ने हो कहाँ खन्न नहुने हो भन्ने कुराको वातावरणीय अनुगमन समेत भएको छैन । जसले गर्दा चोरी गर्नेहरुले जहाँ मन लाग्यो त्यही खनीरहेका छन् । यसले दीर्घकालीन असर समेत पार्न सक्ने तर्फ सचेत गराएको छ । खासगरी नगर प्रमुख थापाले सुरक्षा संयन्त्र मजवुत नभएका कारण नदिजन्य पदार्थको चोरी पैठारी भएको बताइरहदा यता प्रमुख जिल्ला अधिकारी शिवराम गेलालले भन्नुभयो ‘स्थानीय तहले लगाउने ठेक्का लगाओस । आवश्यक पर्ने सुरक्षाका सबै प्रबन्ध मिलाइने छ । देशमा कानुन र प्रशाषन छ । त्यसलाई प्रयोग गरिने छ । निर्धक्क भएर ठेक्का लगाएर आधीकारीक काम गरौ । कसैबाट अवरोध भए त्यसलाई राज्यले नियन्त्रण गर्ने छ । सुचना दिन चाहि पछि नहटौ ।

दमकको रतुवा र मावा खोला यहाँ रहेका ५ वटा स्थानीयतहले पालै पालो ठेक्का लगाउने गरेका थीए । यहाँको दमक नगरपालिका, मोरङको मिक्लाजुङ गाउँपालिका, उर्लाबारी नगरपालिका, इलामको चुलाचुली गाउँपालिका र झापाको कमल गाउँपालिकाले कहिले संयूक्त, कहिले छुट्टा छुट्टै ठेक्का लगाउने गरेका थीए । दमक नगरपालिकाले जनाए अनुसार यो पटक चुलाचुली गाउँपालिकाको ठेक्का लगाउने पालो भएपनि अहिले सम्म कुनैपनि नदि ठेक्का नलाग्दा नदिजन्य सामाग्रीको चोरी पैठारी भइरहेको र सबै पालिकाले आम्दानीपनि गुमाईरहेका छन् ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

सभामुख अर्यालद्वारा भीमफेदी दुर्घटनाका पीडित परिवारसँग भेट

सर्लाही ,३० कार्तीक। प्रतिनिधिसभाका सभामुख डोलप्रसाद (डीपी) अर्यालले सर्लाहीको चक्रघट्टा गाउँपालिका–४, सुन्दरपुर पुगेर मकवानपुरको भीमफेदीस्थित चिसापानी गढीमा भएको सवारी दुर्घटनामा ज्यान गुमाएका व्यक्तिका परिवार तथा

बझाङमा अटो दुर्घटना हुँदा तीन जनाको मृत्यु, एक बेपत्ता

बझाङ ,३० कार्तीक। बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ ।सोमबार बिहान करिब १०ः२० बजे टुमेडा गाउँबाट सोहि ठाउँ को

छठको बहानामा मधेसमा शीर्ष नेताको दौडधुप : धार्मिक आस्था कि राजनीतिक रणनीति ?

काठमाडौं ,३० कार्तीक। सत्तारूढ रास्वपाका सभापति रवि लामिछाने यसपटक छठ मनाउन मधेसका विभिन्न धार्मिक स्थल पुग्नु भएको छ । शनिबार नै तराई झर्नु भएको उहाँ

रारा जाँदै गर्दा दुर्घटनामा परेका घाइतेको सेनाद्वारा उद्धार

मुगु ,३० कार्तीक। मुगुको रारा ताल जाने क्रममा हाइलक्स जिप दुर्घटनामा परी घाइते भएका दुई जनालाई नेपाली सेनाको हेलिकोप्टरमार्फत उद्धार गरिएको छ ।आइतबार मुगुको छायानाथ

बिरिङ खोला छठ पूजामा विवाद गर्ने युवक स्कुटरसहित नियन्त्रणमा

झापा, ३० कात्तिक । झापाको कन्काई नगरपालिका ८ स्थित बिरिङ खोलामा आयोजित छठ पूजामा विवाद गर्ने एकजना युवकलाई प्रहरीले पक्राउ गरेको छ ।गएराति ११ :

छठ पूजास्थल तोडफोड आरोपमा सुनसरीबाट दुई जना पक्राउ

झापा, ३० कात्तिक । सुनसरीको हरिनगर गाउँपालिका–६ स्थित छठ पूजास्थलमा तोडफोड गरेको आरोपमा प्रहरीले दुई जनालाई पक्राउ गरेको छ।जिल्ला प्रहरी कार्यालय सुनसरीका अनुसार पक्राउ पर्नेहरुमा