कविता वाचन

टोल टोलमा ‘पानीको पर्खाल’

पथरी, १३ पुस । ‘उपहार’ शिर्षकको यो कविता वाचन गर्दै हुनुहुन्थ्यो झापा दमक ४ स्थित सम्बन्ध टोल विकास संस्थाका सदस्य भरत कार्की । मोरङको पथरी शनिश्चरे चोक उत्तरको बासेचौरीको वनभोजस्थलमा वनभोज खान भेलाभएकाहरु माझ कविता प्रस्तुत भएको हो ।
मानिसहरुमा आधुनिक बन्ने नाममा पुस्तक पढ्ने बानी निकै कम हुँदै गएको छ । त्यसमा पनि साहित्यिक पुस्तक त अझ कम पढ्ने गरिन्छ । यस परिवेशमा साहित्यकार कृष्ण उदाशीको पुस्तक ‘पानीको पर्खाल’ भनें सिंगो टोलबासीले नै खरिद गरेर पठन संस्कृतिको विकासमा नौलो आयाम बनेको छ ।
सम्बन्ध टोलका सल्लाहकार उदाशीको सो कविता कृति टोलका सबै सदस्यले खरिद गरेर पढेको अवस्थाको जानकारी संस्थाले पुस १२ गते आयोजना गरेको वनभोज कार्यक्रममा सार्वजनिक गरियो । वनभोज खान आउने अरु अरु समूहका मानिसहरु खानपान र नाचगानमा व्यस्त भइरहँदा सम्बन्ध टोलका सदस्यहरु भनें खानपान र नाचगानसहित पुस्तक खरिद गरेर पढ्ने काम गरे । त्यहाँ कविता समेत वाचन गरेर साहित्यमार्फत समाज जोड्ने प्रयत्न भयो ।
टोलबासीले साहित्य र कलाको प्रवद्र्धन गर्ने र आउने पुस्ताका लागि समेत पठन संस्कृतिप्रति आकर्षित गराउन यसखाले अभियान सञ्चालन गरिएको संस्थाका अध्यक्ष इन्द्रकला पण्डित र सचिव भीमबहादुर थापाको भनाइ छ ।

शक्तिशाली सृजना गर्ने सर्जक उदाशीको चौथो कृतिका रुपमा रहेको ‘पानीको पर्खाल’ को कार्तिक २२ गते काठमाडौंमा प्रथम विमोचन र कार्तिक २९ गते उर्लाबारीमा गृह विमोचन भएको थियो ।गृह विमोचनपछि आफ्नै टोलबासीबाट सबैले पुस्तक किनेर पढ्ने निर्णय गरेपछि सर्जक उदाशी अत्यन्त खुसी बन्नु भयो । उहाँले सिंगो टोलका सदस्यले नै पुस्तक खरिद गरेर पढेको यो नेपालकै पहिलो हुनसक्ने अनुमान गर्नुभएको छ ।

उहाँको पहिलो कृति ‘दाइजो’ उपन्यास हो, जो २०६४ मा प्रकाशित भयो । २०६७ मा गजल संग्रह दोभानपारि बाबरी र २०७० मा श्रीमती वविता घिमिरेसँगको संयुक्त कथा संग्रह ‘म हराएको साँझ’ प्रकाशित छ । उहाँका ५ दर्जन गीत रेकर्ड भएका छन् ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

झापामा ४२ वर्षपछि कोटी हवन हुँदै, भूमिपूजन सुनको हलोले गरिने

दमक, १ मांसिर । ४२ वर्षअघि अर्थात् २०४२ सालमा राष्ट्रगुरु योगी नरहरिनाथको अगुवाइमा झापाको कनकाईधाम (कोटीहोम) मा बृहत् कोटीहोम महायज्ञ आयोजना गरिएको थियो। त्यहि प्रकृतिको

दमकका कर सप्ताहको उद्घाटन , के भने व्यापारीले , अनि कर अधिकृतको चेतावनी कस्तो?

दमक,१ मंसिर । “कर न्याय र सुशासनको सुनिश्चितता ः समृद्धिमा नागरिक सहभागिता” भन्ने मूल नाराका साथ आज देशभर राष्ट्रिय कर दिवस २०८३ मनाइएको छ। नेपालमा

विराटनगरमा राति २ बजेसम्म व्यवसाय सञ्चालन गर्न पाइने, नयाँ मापदण्ड जारी

विराटनगर,१ मंसिर । विराटनगरमा निश्चित मापदण्ड पूरा गरेका व्यवसायले अब राति २ बजेसम्म सेवा दिन पाउने भएका छन् । जिल्ला प्रशासन कार्यालय मोरङले रात्रिकालीन व्यवसाय

प्रधानमन्त्री र सभापतिसँगको फोटो पोस्ट गर्नेलाई नगद पुरस्कार

काठमाडौं ,१ मंसिर। राष्ट्रिय स्वतन्त्र पार्टी (रास्वपा) सांसद पारसमणी गेलालले एउटा आश्चर्यजनक घोषणा गर्नु भएको छ । उहाँको घोषणा हो( प्रधानमन्त्री बालेन्द्र शाह र रास्वपा

स्थानीय नागरिककोे बलियो आवाज पूर्वाञ्चल दैनिक ३२औँ वर्षमा

बिर्तामोड,१ मंसिर । झापाको बिर्तामोडबाट प्रकाशित यस क्षेत्रकै अग्रणी सञ्चार माध्यम ‘पूर्वाञ्चल दैनिक’ आफ्नो तीन दशकभन्दा लामो गौरवमय यात्रा पूरा गरी आजबाट ३२औँ वर्षमा प्रवेश