स्थानीय नागरिककोे बलियो आवाज पूर्वाञ्चल दैनिक ३२औँ वर्षमा

बिर्तामोड,१ मंसिर । झापाको बिर्तामोडबाट प्रकाशित यस क्षेत्रकै अग्रणी सञ्चार माध्यम ‘पूर्वाञ्चल दैनिक’ आफ्नो तीन दशकभन्दा लामो गौरवमय यात्रा पूरा गरी आजबाट ३२औँ वर्षमा प्रवेश गरेको छ । स्थानीय सरोकार, क्षेत्रीय आवाज र राष्ट्रिय महत्वका घटनाक्रमहरूलाई सन्तुलित तवरले प्रस्तुत गर्दै आएको यस पत्रिकाले विभिन्न आरोह–अवरोह र चुनौतीहरूलाई चिर्दै नयाँ ऊर्जा र प्रविधिकै साथ यो ऐतिहासिक माइलस्टोन पार गरेको हो ।२०५२ साल मङ्सिर १ गतेबाट नियमित प्रकाशन सुरु भएको पूर्वाञ्चल पत्रिकाको यात्रा निकै प्रेरणादायी छ । स्थापनाकालमा सीमित लेटर प्रेसको ढाँचाबाट अगाडि बढेको पूर्वाञ्चल दैनिकले मोफसलमै पहिलोपटक अत्याधुनिक अफसेट प्रविधि भित्र्याएर नेपालको पत्रपत्रिका इतिहासमा एक महत्त्वपूर्ण उदाहरण प्रस्तुत गरेको थियो । प्रेस काउन्सिल नेपालबाट निरन्तर ‘क’ श्रेणी प्राप्त गरी आफ्नो विश्वसनीयता साबित गरिसकेको श्रीअन्तु प्रकाशन प्रालि अन्तर्गत प्रकाशित पूर्वाञ्चल पत्रिकाले समयको परिवर्तनसँगै आफूलाई पूर्ण रूपमा रूपान्तरण गरेको छ । हाल प्रिन्ट संस्करणसँगै डिजिटल माध्यममा समेत उत्तिकै सक्रिय पूर्वाञ्चलले आफ्नै अनलाइन पोर्टल

-Purwanchaldaily.com_  मार्फत विश्वभर छरिएका नेपालीहरूसँग प्रत्यक्ष सम्पर्क कायम गरेको छ ।
३१ वर्षको सफल कार्यकाल पूरा गरी ३२औँ वर्षमा प्रवेश गर्दा संस्थाका अध्यक्ष टोरुप प्रसाई, प्रकाशक भरतलाल गिरी र प्रधान सम्पादक एकराज गिरीले आजको यो स्थानसम्म पु¥याउन प्रत्यक्ष तथा अप्रत्यक्ष रूपमा सहयोग पु¥याउने सम्पूर्ण पाठक, लेखक, विज्ञापनदाता, कर्मचारी तथा शुभचिन्तकहरूप्रति हार्दिक आभार व्यक्त गर्नु भएको छ।परिवर्तित समय र पाठकहरूको रुचिलाई ध्यानमा राख्दै पत्रिकाले आफ्ना सेवाहरूलाई अझै फराकिलो बनाउँदै लगेको छ । व्यवस्थापक चन्द्रकान्त ढकालका अनुसार पाठक, विज्ञापनदाता र सम्पूर्ण सहकर्मीहरू नै संस्थाका मुख्य आधारस्तम्भ हुन् ।

परिवर्तित समयले छिटो, विश्वसनीय र सहज समाचार प्रवाहको माग गरेको बताउँदै उहाँले अब बजार विस्तारसँगै अनलाइनमा भिडियो सामग्री, श्रव्य–दृश्यसहितको समाचार बुलेटिन र विभिन्न कार्यक्रम प्रसारणजस्ता नयाँ योजनाहरूका साथ अघि बढ्ने जानकारी दिनु भएको छ । त्यस्तै, सह–सम्पादक नरेन्द्र ढकालका अनुसार मोबाइलमै ताजा समाचार, अपडेट्स र रंगीन ई–पेपर पढ्न सकिने सेवा विस्तार भएपश्चात नयाँ पुस्ताका पाठकहरूमा यसको पहुँच उल्लेखनीय रूपमा बढेको छ ।

विभिन्न राजनीतिक परिवर्तन, आर्थिक तथा सामाजिक उतारचढाव र प्राकृतिक प्रकोपका बीच पनि प्रकाशनलाई निरन्तरता दिन सक्ने मोफसलका थोरै पत्रिकाहरूमध्ये पूर्वाञ्चल दैनिक अग्रणी स्थानमा आउँछ । प्रधान सम्पादक एकराज गिरीले पाठकहरूको अटुट विश्वास र विज्ञापनदाताहरूको निरन्तर साथले नै पत्रिकालाई समाजमा आफ्नो स्थान मजबुत बनाउन सफल बनाएको बताँउनु भएको छ् । कोशी प्रदेशका विभिन्न जिल्लामा प्रत्यक्ष रूपमा वितरण हुने यस पत्रिकाले स्थानीय सरकार, सामाजिक अभियान, विकास निर्माण, व्यापार–व्यवसायदेखि कला–संस्कृतिसम्मका सबै विषयलाई प्राथमिकताका साथ समेट्दै आएको छ ।

आगामी दिनमा ‘नयाँ पुस्ता, नयाँ प्रविधि र नयाँ युगको पत्रकारिता’ को मर्मलाई आत्मसात् गर्दै राष्ट्रहितको पक्षमा पैरवी गर्ने र समाजलाई थप उत्तरदायी तथा जवाफदेही बनाउन खबरदारीको भूमिकालाई अझ सुदृढ रूपमा निरन्तरता दिने प्रतिबद्धता पूर्वाञ्चल दैनिकले व्यक्त गरेको छ ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

झापामा ४२ वर्षपछि कोटी हवन हुँदै, भूमिपूजन सुनको हलोले गरिने

दमक, १ मांसिर । ४२ वर्षअघि अर्थात् २०४२ सालमा राष्ट्रगुरु योगी नरहरिनाथको अगुवाइमा झापाको कनकाईधाम (कोटीहोम) मा बृहत् कोटीहोम महायज्ञ आयोजना गरिएको थियो। त्यहि प्रकृतिको

दमकका कर सप्ताहको उद्घाटन , के भने व्यापारीले , अनि कर अधिकृतको चेतावनी कस्तो?

दमक,१ मंसिर । “कर न्याय र सुशासनको सुनिश्चितता ः समृद्धिमा नागरिक सहभागिता” भन्ने मूल नाराका साथ आज देशभर राष्ट्रिय कर दिवस २०८३ मनाइएको छ। नेपालमा

विराटनगरमा राति २ बजेसम्म व्यवसाय सञ्चालन गर्न पाइने, नयाँ मापदण्ड जारी

विराटनगर,१ मंसिर । विराटनगरमा निश्चित मापदण्ड पूरा गरेका व्यवसायले अब राति २ बजेसम्म सेवा दिन पाउने भएका छन् । जिल्ला प्रशासन कार्यालय मोरङले रात्रिकालीन व्यवसाय

प्रधानमन्त्री र सभापतिसँगको फोटो पोस्ट गर्नेलाई नगद पुरस्कार

काठमाडौं ,१ मंसिर। राष्ट्रिय स्वतन्त्र पार्टी (रास्वपा) सांसद पारसमणी गेलालले एउटा आश्चर्यजनक घोषणा गर्नु भएको छ । उहाँको घोषणा हो( प्रधानमन्त्री बालेन्द्र शाह र रास्वपा

स्थानीय नागरिककोे बलियो आवाज पूर्वाञ्चल दैनिक ३२औँ वर्षमा

बिर्तामोड,१ मंसिर । झापाको बिर्तामोडबाट प्रकाशित यस क्षेत्रकै अग्रणी सञ्चार माध्यम ‘पूर्वाञ्चल दैनिक’ आफ्नो तीन दशकभन्दा लामो गौरवमय यात्रा पूरा गरी आजबाट ३२औँ वर्षमा प्रवेश

कात्तिकमा ६४ हजार बढीले गरे पाथीभरा दर्शन

ताप्लेजुङ,१ मंसिर । ताप्लेजुङमा अवस्थित प्रसिद्ध धार्मिक स्थल पाथीभरामा कात्तिक महिनामा ६४ हजारभन्दा भक्तजनहरुले दर्शन गर्नु भएको छ । एक महिनाको अवधिमा ६४ हजार १०६