दमक, १८ पुुष । दमक ५ एस एन मार्केटमा रहेको अनलाईन कम्प्यूटरबाट दमक उद्योग वाणिज्य संघले खरिद गरेको सिसि क्यामेराको वक्यौता अझै नतिरेको खुलेको छ । संघले दमक स्थित इलाका प्रहरी कार्यालयको हिरासत कक्ष सहित बिभिन्न ८ सार्वजनीक ठाउँमा राख्न भन्दै उच्च गुणस्तरीय सिसि क्यामारा खरिद गरेको थियो । १० लाख ५२ हजार रुपैँयामा खरिद गर्ने सम्झौता सहित सामान खरिद गरिएकोमा अहिले सम्म ५ लाख रुपैँया प्राप्त गरेपनि बाँकी रहेको वक्यौता रकम अझै सम्म पाउन नसकेको सप्लायर्सका सञ्चालक सुरज धिमालले पत्रकार सम्मेलन गरेर सार्वजनिक गर्नु भएको हो । २०७० पुष ३० गते का दिन गरीएको सम्झौता पत्रको पहिलो पक्षमा तत्कालीन सिसि टिभि जडान समन्वय समितीको संयोजक रहनु भएका गोकुल श्रेष्ठ र दोस्रो पक्षमा सप्लायर्सका तर्फबाट सञ्चालक धिमालले हस्ताक्षर गर्नु भएको छ । यसबारेमा तत्कालीन कार्य समिती देखी वर्तमान कार्य समिती सम्म पटक पटक वक्यौता रकमको भुक्तानीकालागी ताकेदा गर्दा समेत नउठेपछि बाध्य भएर पत्रकार सम्मेलन गर्नुपरेको उहाँले बताउनु भयो ।
अव आफुले ५ लाख ४ हजार र धरौटीकालागी राखीएको रकम १ लाख गरी कुल ६ लाख ४ हजार रुपैँया पाउन बाँकी रहेको उहाँले बताउनु भएको छ । यसकालागि वर्तमान कार्यसमितीका अध्यक्ष गोपाल गुरागाई र बरिष्ठ उपाध्यक्ष राजु खड्कासग समेत पटक पटक छलफल गर्दा भुक्तानी गर्ने प्रतिवद्धता जनाउने तर भुक्तानी नगरेपछि आफुलाई समस्या परेको उहाँले उल्लेख गर्नुभयो ।
दमक नगरपालिकामा समेत यो समस्या राखेको र समस्या समाधानकालागी आवश्यक समन्वय गरिदिन भनेर नगरपालिकाले पत्र बनाउँदा समेत उद्योग वाणिज्य संघका पदाधिकारीहरुले चासो नदिएपछि धिमाल व्यापारीलाई हेपेको र आफ्नो आवाज सुन्न निशेध गरेको समेत उहाँले अरोप लगाउनु भएको छ । बिहिबार धिमाल व्यवसायी समुहले आयोजना गरेको पत्रकार सम्मेलनमा उहाँले आफ्ना समस्या राख्नु भएको थियो । साथै सोहि अवसरमा बोल्दै अर्का व्यवसायी मनिराज धिमालले संकटको ८० लाख भन्दा बढि लगानी गरेको सोनालिका खाना घर अहिले बन्द गर्नु पर्यो । चल्नै नसकेर बन्द गर्दा समेत के भयो भनेर समेत सोध्न वाणिज्य संघबाट कोहि पनि अनाएको भन्दै दुखेसो पोख्नु भयो । व्यापारीका पीडा र समस्यामा उभीने भन्दै भाषण गरेपनि समस्यामा परेका व्यापारीहरुलाई हौसाला दिन समेत वाणिज्य संघ नआएको भन्दै उहाँले आपत्ती जनाउनु भएको छ ।
पत्रकार सम्मेलनमा आसन्न वाणिज्य संघको निर्वाचनमा तीनवटै प्यानलले धिमाल व्यापारीहरुलाई नअटाएकोमा आपत्ती समेत जनाइएका छन् । दमक नगरपालिकाले प्रथम नागरिक भनेर घोषणा गरेको धिमाल जातीलाई कुनैपनि प्यानलले सदस्यमा समेत नराखेकोमा धिमाल व्यववसायीहरुले आपत्ती जनाएका हुन । निर्वाचनपछि बन्ने समितीमा तीन जना मनोनीत गर्ने कोटामा कम्तीमा एकजना धिमाल व्यवसायीलाई अटाउन उनीहरुले माग समेत राखेका छन ।
