औषधि पसलमा लापारबाही

भद्रपुरमा सञ्चालित औषधि पसलहरूमा म्याद गुज्रिएका औषधिहरू फेला

झापा,१८ पुस । झापाको सदरमुकाम भद्रपुरमा सञ्चालित औषधि पसलहरूमा म्याद गुज्रिएका औषधिहरू पसलमै राखेर बेच्ने गरेको पाइएको छ । भद्रपुर नगरपालिका अन्तरगतको उपभोक्ता हित संरक्षण समितिले नगर क्षेत्रका औषधि पसलहरूको अनुगमन गरेको हो।

औषधि पसलहरूले बिरामीको स्वास्थ्यमाथि खेलबाड गर्ने उद्देश्यले म्याद गुज्रिएका औषधिहरू पसलमै राखेर बेच्ने र सरसफाइमा समेत ध्यान नदिएको अनुगमनको क्रममा फेला परेको समितिका संयोजक तथा नगर उपप्रमुख राधा कार्कीले बताउनु भयो ।

विभिन्न प्रकारका म्याद गुज्रिएका औषधिहरू जफत गर्नुका साथै पसल सञ्चालकहरूलाई एक पटकका लागि सचेत गराइएको छ । व्यवसाय दर्ता तथा नवीकरण नगरेका पसलहरूलाई सात दिनभित्र दर्ता तथा नवीकरण गरी पसल सञ्चालन गर्न निर्देशनसमेत दिइएको उहाँले बताउनु भयो।

अनुगमनको क्रममा चन्द्रगढीस्थित कृपा फार्मेसीमा ठुलो मात्रामा म्याद गुज्रिएका औषधिहरू फेला परेको, सरसफाइमा ध्यान नदिएको र औषधि स्टोर कक्षमा खाजा बनाउने कार्य गरेको जानकार पाइएको छ ।

चन्द्रगढीकै प्रभु कृपा फार्मेसीले २०७८÷०७९ सम्म नवीकरण गरेकोले ३ दिनभित्र नवीकरण गर्ने र सरसफाइमा ध्यान नदिएको, भद्रपुरस्थित तिम्सिना फार्मेसीले २०६९÷७० यता व्यवसाय नवीकरण नगरेको र औषधिहरूको प्रकार अनुसार छुट्टा छुट्टै नराखी बिक्री गरेको जानकारी पाइएको छ ।

त्यस्तै गीता फार्मेसीले व्यवसाय दर्ता नवीकरण नगरेकोले सात दिनभित्र नगरपालिकामा आएर नवीकरण गर्न निर्देशन दिएको छ । रिदम हेल्थ केयर सेन्टरले नगरपालिकामा व्यवसाय दर्ता नगरेको, दर्ता भएका कागजातहरू नवीकरण नभएको, नभएका डाक्टरहरूको नाम लेखेर राखेको, दररेट नभएको र नागरिक बडापत्र नभएको जनाइएको छ ।

चन्द्रगढी मानव डेन्टलले २०७९÷०८० देखि व्यवसाय दर्ता नवीकरण नगरेको, न्यु साझा डेन्टल होमले नगरपालिकामा व्यवसाय दर्ता नगरेको र सरसफाइमा ध्यान नदिएको राजश्व शाखा प्रमुख सुशील कर्णले जानकारी दिनु भयो ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

झापामा ४२ वर्षपछि कोटी हवन हुँदै, भूमिपूजन सुनको हलोले गरिने

दमक, १ मांसिर । ४२ वर्षअघि अर्थात् २०४२ सालमा राष्ट्रगुरु योगी नरहरिनाथको अगुवाइमा झापाको कनकाईधाम (कोटीहोम) मा बृहत् कोटीहोम महायज्ञ आयोजना गरिएको थियो। त्यहि प्रकृतिको

दमकका कर सप्ताहको उद्घाटन , के भने व्यापारीले , अनि कर अधिकृतको चेतावनी कस्तो?

दमक,१ मंसिर । “कर न्याय र सुशासनको सुनिश्चितता ः समृद्धिमा नागरिक सहभागिता” भन्ने मूल नाराका साथ आज देशभर राष्ट्रिय कर दिवस २०८३ मनाइएको छ। नेपालमा

विराटनगरमा राति २ बजेसम्म व्यवसाय सञ्चालन गर्न पाइने, नयाँ मापदण्ड जारी

विराटनगर,१ मंसिर । विराटनगरमा निश्चित मापदण्ड पूरा गरेका व्यवसायले अब राति २ बजेसम्म सेवा दिन पाउने भएका छन् । जिल्ला प्रशासन कार्यालय मोरङले रात्रिकालीन व्यवसाय

प्रधानमन्त्री र सभापतिसँगको फोटो पोस्ट गर्नेलाई नगद पुरस्कार

काठमाडौं ,१ मंसिर। राष्ट्रिय स्वतन्त्र पार्टी (रास्वपा) सांसद पारसमणी गेलालले एउटा आश्चर्यजनक घोषणा गर्नु भएको छ । उहाँको घोषणा हो( प्रधानमन्त्री बालेन्द्र शाह र रास्वपा

स्थानीय नागरिककोे बलियो आवाज पूर्वाञ्चल दैनिक ३२औँ वर्षमा

बिर्तामोड,१ मंसिर । झापाको बिर्तामोडबाट प्रकाशित यस क्षेत्रकै अग्रणी सञ्चार माध्यम ‘पूर्वाञ्चल दैनिक’ आफ्नो तीन दशकभन्दा लामो गौरवमय यात्रा पूरा गरी आजबाट ३२औँ वर्षमा प्रवेश