दमक, २२ पुष । २०८१ साल भाद्र १८ गते निकै तामझाम सहित दमक ३ स्थित बेलडाँगी बजार उद्धघाटन गरीएको थियो । त्यसताका स्थानीयबासीन्दा पनि निकै उत्साहीत थीए । अव आफ्नो ठाउँको उत्पादन आफ्नै ठाउँमा बेच्न पाइने भइयो भनेर । स्टल लिनेको होडबाजी पनि चलेजस्तो गर्यो । तर त्यो धेरै दिन टिक्दै टिकेन । दमक नगरपालिका, कोशी प्रदेश सरकार र अन्तरािष्ट्रय दातृ सस्थाको समेत संयूक्त लगानीमा बनेको यो बजार एक वर्ष पनि नपुग्दै बन्द जस्तै भयो । व्यापारीहरुले आफ्नो व्यापार त्यहाँ लगाउन छोडे । सडकको किनारमै पसल राख्न थाले । खासमा यहाँ व्यापारी किन जान नमानेका हुन भन्नेबारेमा धेरै चर्चा भयो । तर यसको गज्जवको कुरा चाहि के छ भने यो बजार जहाँ बनेको छ त्यो ठाउँ कुनै सार्वजिनक हैन ।
यो ठाउ व्यक्तिगत जग्गामा बनेको छ ।
व्यक्तिहरुले बजार निर्माण गर्न जग्गा उपलब्ध गराएपनि त्यसको आधिकारीकता पुरा भइसकेको थिएन । अर्थात यो जमिन दमक नगरपालिकाको नाममा आइसकेको थीएन । सरकारी नाममा नआएपनि सरकारले भने यहाँ लगानी गरेर बजार बनायो । तर अहिले यो लगानी बालुवामा पानी जस्तै बनेको छ । किन यस्तो भयो ? भनी दमक नगरपालिकाका प्रमुख राम कुमार थापा भन्नु हुन्छ सुरुमै हामीले पनि ध्यान पुर्याउनु पर्ने थियो त्यसबेला पुगेनछ । तर अहिले चाहि नगरपालिकाको स्वामित्वमा ल्याइसकिएको पनि उहाँले उल्लेख गर्नु भएको छ । तरपनि त्यहाँ त्यहि ठाउँका व्यापारीलाई लैजान नसकिएकोमा ग्लानी भएको पनि बताउनु भयो । उहाँ भन्नु हुन्छ ‘त्यस ठाउँमा बजार लैजान, बनाउने र सबैलाई व्यवस्थापन गर्ने भनेर स्थानीय अगुवाहरु छलफल गर्नुहुन्छ , सहमतीमा हस्ताक्षर गर्नुहुन्छ तर त्यहाँबाट निस्केर त्यहाँ किन जानु भन्दै कुरा गर्नु हुन्छ , अनी कसरी हुन्छ कार्यान्वायन ? उहाँले स्थानीयकै कमजोर मानसिकताका कारण दमकको बेलडाँगी बजार सञ्चालन हुन नसकेको दाबि गर्नु भयो ।
झण्डै ७० लाख रुपैँया लगानी गरेर बनेको बेलडाँगी बजारका पक्की संरचना अहिले भत्कने अवस्थामा पुगेका छन् । यहाँ रहेका स्टलहरु चैपायाको बासस्थान बन्ने जोखीम बढिरहेको छ । यत्तीको व्यवस्थित बजार क्षेत्र हुदापनि व्यापारीहरु स्थानीय राजनैतिक चङ्गुलमा लागेर सर्न नमानेको भन्दै आलोचना हुन थालेको छ र राज्य र दातृ निकायको लगानीको अर्थ पनि खोज्न थालीएको छ ।
