झापा ५ मतगणना स्थल कस्तो ? हाई अलर्टमा किन झापा ५ ?

दमक, २० फागुन । निर्वाचन सुरक्षा योजनाअन्तर्गत झापा–५ लाई भने विशेष ‘हाई–प्रोफाइल’ संवेदनशीलताको सूचीमा राखिएको छ। पूर्वप्रधानमन्त्री एवं नेकपा (एमाले) का अध्यक्ष केपी शर्मा ओली र राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) उम्मेदवार रहेको यस क्षेत्रमा प्रहरीले विशेष सतर्कता अपनाएको हो। यहाँको निर्वाचन सुरक्षाको रणनिती र मतगणना स्थल कस्तो ?

 

दमक ८ स्थित अर्गानिक कृषि बजार । यहाँको पूर्व पट्टिको गेटमा निर्वाचन अधिकृतको कार्यालय प्रतिनिधीसभा निर्वाचन क्षेत्र नं ५ लेखिएको ठुलो बोर्ड छ । या बोर्ड लेखिएको गेटबाट पश्चिम भीत्र पसेपछि यहाँ रहेका दुईवटा भवन मध्ये पश्चिम तर्फको भवन अहिले तार जाली र सिसि क्यामारा जडान गरेर निकै सुरक्षीत बनाइएको छ ।

किनकी यहाँ यस क्षेत्रमा रहेका सबै मतदान केन्द्रको मतपेटीका ल्याइने छ र मतगणना गरिने छ ।
देशकै इपि सेन्टरको रुपमा रहेको यो क्षेत्रको मतगणना स्थलपनि उत्तीकै संवेदनशील बनाएर सुरक्षीत बनाइएको छ । भुई देखी माथीको सिलिङ सम्मै वार पार हुने गरीको फलामको तारबाट बार लगाइएको छ । मतगणनामा बस्ने कर्मचारीहरु बस्ने र उम्मेदवारका प्रतिनिधी बस्ने स्थानलाई सुरक्षीत राखीएको छ । यस भीत्र हुने हरेक गतिविधिलाई निगराजी राख्न यहाँ १६ वटा सिसि क्यामारा समेत जडान गरीएको छ । कडा सुरक्षा प्रबन्ध सहित झापाको क्षेत्र नं ५को मतगणना स्थल सुरक्षीत पारीएको यहाँका निर्वाचन अधिकृत विदुर कुमार कार्कीले जानकारी दिनुभयो ।

‘सुरक्षामा समेत हाई अलर्ट’
मनोनयनका क्रममा भएको झडपलाई आधार बनाएर प्रदेश प्रहरीले थप १०० जनाको विशेष टोली र प्रहरी उपरीक्षक (एसपी) को नेतृत्वमा छुट्टै टोली परिचालन गरेको छ। यस क्षेत्रमा कुनै पनि अप्रिय घटना हुन नदिन विशेष रणनीति तयार प्रहरीले जनाएको छ । यस पटकको निर्वाचनमा भौतिक मुठभेडभन्दा पनि सामाजिक सञ्जालमार्फत फैलाइने अफवाहलाई प्रहरीले मुख्य चुनौतीको रूपमा लिएको छ। अफवाह र डिजिटल मुठभेड रोक्न प्रदेश र जिल्ला तहसम्मै ‘साइबर डेस्क’ स्थापना गरी सूक्ष्म निगरानी बढाइएको जिल्ला प्रहरी कार्यालय झापाका प्रमुख बसुन्धरा खड्काले जानकारी दिनुभयो । निर्वाचनलाई भयरहित र शान्तिपूर्ण बनाउन नेपाल प्रहरी, सशस्त्र प्रहरी, नेपाली सेना र निर्वाचन प्रहरीसहितको एकीकृत टोली खटाइएको जनाइएको छ ।

 

झापाका कुल २८५ मतदानस्थल मध्ये ९५ वटालाई अतिसंवेदनशील १४७ लाई संवेदनशील र ४३ वटालाई सामान्य सूचीमा राखेर सुरक्षा योजना बनाइएको छ । झापाका प्रमुख जिल्ला अधिकारी शिवराम गेलालका अनुसार सुरक्षाका लागि तीन घेराको व्यवस्था गरिएको हो । जसमा पहिलो घेरामा नेपाल प्रहरी, दोस्रोमा सशस्त्र प्रहरी र तेस्रो घेरामा नेपाली सेना रहनेछन् । बिहीबारको मतदानका लागि झापाका सबै २८५ मतदानस्थल र ८१५ मतदान केन्द्रहरूमा सोमबार साँझ नै कर्मचारी र आवश्यक निर्वाचन सामग्री पुगिसकेको जनाइएको छ। जिल्ला निर्वाचन कार्यालयका प्रमुख तुलसीकुमार नेपालका अनुसार मंगलबारदेखि कर्मचारीहरू मतदान केन्द्रको तयारीमा जुटेका छन् ।

झापामा कुल ७ लाख १३ हजार ५३७ मतदाता रहेका छन् । यसपटक ५० हजारभन्दा बढी नयाँ मतदाता थपिएका छन् । निर्वाचनका लागि ४ हजार ९४५ स्थायी कर्मचारी र २ हजार ४४५ स्वयंसेवक खटाइएको जनाइएको छ ।विगतका निर्वाचनमा ६५ देखि ७० प्रतिशत मात्र मत खसेको झापामा यसपटक ९० प्रतिशत मत खसाल्ने लक्ष्यका साथ मतदाता शिक्षा प्रभावकारी बनाइएको निर्वाचन कार्यालयले बताएको छ ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

सभामुख अर्यालद्वारा भीमफेदी दुर्घटनाका पीडित परिवारसँग भेट

सर्लाही ,३० कार्तीक। प्रतिनिधिसभाका सभामुख डोलप्रसाद (डीपी) अर्यालले सर्लाहीको चक्रघट्टा गाउँपालिका–४, सुन्दरपुर पुगेर मकवानपुरको भीमफेदीस्थित चिसापानी गढीमा भएको सवारी दुर्घटनामा ज्यान गुमाएका व्यक्तिका परिवार तथा

बझाङमा अटो दुर्घटना हुँदा तीन जनाको मृत्यु, एक बेपत्ता

बझाङ ,३० कार्तीक। बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ ।सोमबार बिहान करिब १०ः२० बजे टुमेडा गाउँबाट सोहि ठाउँ को

छठको बहानामा मधेसमा शीर्ष नेताको दौडधुप : धार्मिक आस्था कि राजनीतिक रणनीति ?

काठमाडौं ,३० कार्तीक। सत्तारूढ रास्वपाका सभापति रवि लामिछाने यसपटक छठ मनाउन मधेसका विभिन्न धार्मिक स्थल पुग्नु भएको छ । शनिबार नै तराई झर्नु भएको उहाँ

रारा जाँदै गर्दा दुर्घटनामा परेका घाइतेको सेनाद्वारा उद्धार

मुगु ,३० कार्तीक। मुगुको रारा ताल जाने क्रममा हाइलक्स जिप दुर्घटनामा परी घाइते भएका दुई जनालाई नेपाली सेनाको हेलिकोप्टरमार्फत उद्धार गरिएको छ ।आइतबार मुगुको छायानाथ

बिरिङ खोला छठ पूजामा विवाद गर्ने युवक स्कुटरसहित नियन्त्रणमा

झापा, ३० कात्तिक । झापाको कन्काई नगरपालिका ८ स्थित बिरिङ खोलामा आयोजित छठ पूजामा विवाद गर्ने एकजना युवकलाई प्रहरीले पक्राउ गरेको छ ।गएराति ११ :

छठ पूजास्थल तोडफोड आरोपमा सुनसरीबाट दुई जना पक्राउ

झापा, ३० कात्तिक । सुनसरीको हरिनगर गाउँपालिका–६ स्थित छठ पूजास्थलमा तोडफोड गरेको आरोपमा प्रहरीले दुई जनालाई पक्राउ गरेको छ।जिल्ला प्रहरी कार्यालय सुनसरीका अनुसार पक्राउ पर्नेहरुमा