कति सुरक्षित छ नेपाली चियाको विश्व बजार?

काठमाडौं,१२ असार । नेपाली चिया विश्वका विभिन्न मुलुकमा निर्यात हुँदै आए पनि अन्तर्राष्ट्रिय बजारमा नेपाली चियाले समान व्यापारिक सुविधा पाउन सकेको छैन । आयात गर्ने मुलुकपिच्छे फरक–फरक भन्सार महसुल (ट्यारिफ) र बढ्दो गैर–भन्सार अवरोधका कारण नेपाली चियाको प्रतिस्पर्धात्मक क्षमता र निर्यात लागतमा प्रत्यक्ष असर परिरहेको छ । व्यापार तथा निकासी प्रवद्र्धन केन्द्रको तथ्यांकअनुसार भारत, चीन, जापान, जर्मनी, बेलायत, फ्रान्स, अस्ट्रेलिया, क्यानडा, पोल्यान्ड, नर्वे, स्विडेन, डेनमार्क, माल्टा र मकाउलगायतका मुलुकले नेपाली चिया आयातमा शून्य प्रतिशत भन्सार सुविधा दिएका छन् ।

 

तर, सबै देशको नीति समान छैन । दक्षिण एसियाली मुलुक श्रीलंकाले नेपाली चियामा २० प्रतिशत र पाकिस्तानले १० प्रतिशत भन्सार लिने गरेका छन् । यस्तै, संयुक्त अधिराज्य (यूके) ले ६.८२ प्रतिशत, रुसले ६.७५ प्रतिशत र संयुक्त अरब इमिरेट्स (यूएई) ले ५ प्रतिशत भन्सार महसुल असुल गर्ने गरेका छन् । नेपाली चियाको सबैभन्दा ठूलो निर्यात गन्तव्य भारत हो, जहाँ भन्सार दर शून्य छ । आर्थिक वर्ष २०८१÷८२ मा मात्रै भारततर्फ करिब १० अर्ब ३८ करोड रूपैयाँ बराबरको चिया निर्यात भएको छ । भारतबाहेक जर्मनी, अमेरिका, चीन, जापान, बेलायत, फ्रान्स र नेदरल्यान्ड्स नेपाली चियाका प्रमुख बजार हुन् ।

 

विज्ञहरूको मत छ, “भन्सार दर कम वा शून्य हुनु मात्रै निर्यात वृद्धिको ग्यारेन्टी होइन । गुणस्तर प्रमाणीकरण, स्वास्थ्य तथा वनस्पति सुरक्षा र प्राविधिक मापदण्ड जस्ता गैर–भन्सार अवरोधहरू अहिले ठूलो चुनौती बनेका छन् । विशेषगरी भारतले पछिल्लो समय गुणस्तर परीक्षणमा गरेको कडाइले नेपाली निर्यातकर्ता मारमा परेका छन् ।“ नेपाल आगामी दिनमा अल्पविकसित राष्ट्र बाट स्तरोन्नति हुने तयारीमा छ । स्तरोन्नतिपछि हाल पाइरहेका धेरै भन्सार सहुलीयतहरू क्रमशः गुम्दै जाने जोखिम छ ।यो परिस्थितिलाई सामना गर्न अबका दिनमा नेपाली चियाको गुणस्तर सुधार, अन्तर्राष्ट्रिय ब्रान्डिङ, मूल्य अभिवृद्धि र नयाँ बजारको खोजीमा राज्य र व्यवसायी दुवैले तत्काल जोड दिनुपर्ने आवश्यकता व्यापार विज्ञहरूले औंल्याएका छन् ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

सभामुख अर्यालद्वारा भीमफेदी दुर्घटनाका पीडित परिवारसँग भेट

सर्लाही ,३० कार्तीक। प्रतिनिधिसभाका सभामुख डोलप्रसाद (डीपी) अर्यालले सर्लाहीको चक्रघट्टा गाउँपालिका–४, सुन्दरपुर पुगेर मकवानपुरको भीमफेदीस्थित चिसापानी गढीमा भएको सवारी दुर्घटनामा ज्यान गुमाएका व्यक्तिका परिवार तथा

बझाङमा अटो दुर्घटना हुँदा तीन जनाको मृत्यु, एक बेपत्ता

बझाङ ,३० कार्तीक। बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ ।सोमबार बिहान करिब १०ः२० बजे टुमेडा गाउँबाट सोहि ठाउँ को

छठको बहानामा मधेसमा शीर्ष नेताको दौडधुप : धार्मिक आस्था कि राजनीतिक रणनीति ?

काठमाडौं ,३० कार्तीक। सत्तारूढ रास्वपाका सभापति रवि लामिछाने यसपटक छठ मनाउन मधेसका विभिन्न धार्मिक स्थल पुग्नु भएको छ । शनिबार नै तराई झर्नु भएको उहाँ

रारा जाँदै गर्दा दुर्घटनामा परेका घाइतेको सेनाद्वारा उद्धार

मुगु ,३० कार्तीक। मुगुको रारा ताल जाने क्रममा हाइलक्स जिप दुर्घटनामा परी घाइते भएका दुई जनालाई नेपाली सेनाको हेलिकोप्टरमार्फत उद्धार गरिएको छ ।आइतबार मुगुको छायानाथ

बिरिङ खोला छठ पूजामा विवाद गर्ने युवक स्कुटरसहित नियन्त्रणमा

झापा, ३० कात्तिक । झापाको कन्काई नगरपालिका ८ स्थित बिरिङ खोलामा आयोजित छठ पूजामा विवाद गर्ने एकजना युवकलाई प्रहरीले पक्राउ गरेको छ ।गएराति ११ :

छठ पूजास्थल तोडफोड आरोपमा सुनसरीबाट दुई जना पक्राउ

झापा, ३० कात्तिक । सुनसरीको हरिनगर गाउँपालिका–६ स्थित छठ पूजास्थलमा तोडफोड गरेको आरोपमा प्रहरीले दुई जनालाई पक्राउ गरेको छ।जिल्ला प्रहरी कार्यालय सुनसरीका अनुसार पक्राउ पर्नेहरुमा