काठमाडौँ,३ भदौ । देशभर सर्पदंश (सर्पको टोकाइ) का कारण पछिल्लो चार महिनामा ६६ जनाले ज्यान गुमाएका छन्। स्वास्थ्य सेवा विभाग अन्तर्गतको इपिडिमियोलोजी तथा रोग नियन्त्रण महाशाखाका अनुसार गत वैशाखदेखि हालसम्म ९ सय ५६ जनालाई सर्पले टोकेको छ।
विशेषज्ञहरूका अनुसार सर्पले टोकेका प्रत्येक १०० जनामध्ये १० देखि १२ जनामा मात्र विषको प्रत्यक्ष असर देखिन्छ। यस्ता बिरामीको ज्यान जोगाउन तत्काल ’एन्टिभेनम’ (विष निरोधक औषधि) दिएर उपचार गर्नुपर्ने हुन्छ।समयमै उपचार सुनिश्चित गर्न सरकारले आवश्यक औषधिहरू सम्बन्धित स्वास्थ्य संस्थामा पठाइसकेको छः
सर्पदंशविरुद्धको एन्टिभेनमः ८ हजार २०० भायल भ्याक्सिन सातवटै प्रदेशका स्वास्थ्य आपूर्ति केन्द्रमार्फत अस्पतालहरूमा वितरण गरिएको छ।
रेबिजविरुद्धको खोपः केन्द्रीय भ्याक्सिन स्टोरमा १७ हजार ६०० भायल ’रेबिज इम्युनोग्लोबुलिन’ प्राप्त भई आवश्यक व्यवस्थापन मिलाइएको छ।सर्पले टोकेको शङ्का लाग्ना साथ घरेलु झारफुकमा नलागी बिरामीलाई तत्काल नजिकैको सर्पदंश उपचार केन्द्र वा अस्पताल पु¥याउन स्वास्थ्य निकायले आग्रह गरेको छ।
